ԿԸՀ-ն ընդդեմ Զարուհի Փոստանջյանի

Կենտրոնական ընտրական հանձնաժողովը բացահայտ ապատեղեկատվություն է համարում «Երկիր Ծիրանի» կուսակցության նախագահ Զ. Փոստանջյանի հայտարարությունն առ այն, որ իրենք ծանուցված չեն Երևանի ավագանու 14.05.2017թ. ընտրությունների արդյունքներն անվավեր ճանաչելու մասին ներկայացված դիմումի քննության վայրի և ժամանակի մասին:

Կենտրոնական ընտրական հանձնաժողովը 16.05.2017թ-ին ստացել է դիմում «Երկիր Ծիրանի» կուսակցության լիազոր ներկայացուցիչ Ա. Գաբրիելյանի կողմից՝ Երևանի ավագանու 14.05.2017թ. ընտրություններն անվավեր ճանաչելու մասին:

Ընտրական օրենսգրքի 48-րդ հոդվածի 15-րդ մասի համաձայն.

«…Ընտրության արդյունքներն անվավեր ճանաչելու մասին դիմումների քննարկումը կատարվում է ընտրությունների արդյունքների ամփոփման շրջանակում, և դրանց վերաբերյալ առանձին որոշում չի կայացվում:»:

Կենտրոնական ընտրական հանձնաժողովը իրազեկել է «Երկիր Ծիրանի» կուսակցության լիազոր ներկայացուցիչներին, որ ընտրությունների արդյունքների ամփոփման նիստը տեղի է ունենալու 2017թ մայիսի 21-ին ժամը 10:00-ին: «Երկիր Ծիրանի» կուսակցության լիազոր ներկայացուցիչ Զ. Փոստանջյանը այդ մասին իրազեկվել է հանձնաժողովի նախագահի հետ հեռախոսազրույցով՝ 2017թ մայիսի 20-ին ժամը 16:54-ին: «Երկիր Ծիրանի» կուսակցության լիազոր ներկայացուցիչներ Ա. Գաբրիելյանը և Ս. Աղեկյանը ծանուցվել են 16:30-17:00 սահմաններում:

ՀՀ ԿԸՀ մամուլի ծառայություն

Այս թեմայով Երևանի ավագանու ընտրությունները մի կողմից ունիկալ էին, մյուս կողմից՝ տխուր Քվեարթերթիկի վրա նկարված սրտիկներ, քաղաքապետի՝ ավելացված նախընտրած թեկնածուներ. անվավեր ճանաչված քվեաթերթիկներ (Լուսանկարներ) ԿԸՀ-ն հրապարակել է Երևանի ավագանու արտահերթ ընտրությունների նախնական արդյունքները Քվեարկած թերթիկը լուսանկարելն ու տարածելը տուգանվում է 500․000-700․000 դրամի չափով Երևանի ավագանու արտահերթ ընտրություններն ավարտվեցին