Մեր հաղթանակած բանակը այսօր էլ հակառակորդին խաղաղություն է պարտադրում. Սեյրան Օհանյան
Սեյրան Օհանյանն իր ֆեյսբուքյան էջում գրել է.
Սիրելի՛ հայրենակիցներ
Ավարտին է մոտենում 2019 թվականը, և Ամանորի նախաշեմին համացանցը կրկին ողողվում է սիրո, միասնության գովաբանմամբ։
Միանալով բոլոր անկեղծ և գեղեցիկ մաղթանքներին՝ ես ուզում եմ ամենից առաջ առանձնահատուկ երախտագիտությամբ և գնահատանքով շնորհավորել բոլոր այն մարդկանց, ովքեր գիշեր ու զօր, իրենց կուրծքը վահան դարձրած, պահպանում են մեր ժողովրդի անդորրը՝ անառիկ պահելով մեր եղբայրների ու որդիների արյունով գծված սահմանը, հողը․ շնորհավորում եմ Հայկական բանակի ողջ անձնակազմին, նրանց սատարող, պետականամետ բոլոր ուժերին, ողջ ժողովրդին։
Մեր հաղթանակած բանակը այսօր էլ հակառակորդին խաղաղություն է պարտադրում, սակայն որքան էլ այն ամուր լինի՝ երկրի թերևս միակ հենարանը, միակ հավասարակշիռ, վստահելի ուժը, պետք է ընդունել, որ խաղաղության պարտադրումը շատ ավելի լայն հասկացություն է, և բանակն այդ գործընթացում կարևորագույն օղակներից մեկն է միայն։ Դիվանագիտական սկզբունքային, անվրեպ քաղաքականությունը, տնտեսության շարունակական զարգացումը նույնքան էական, վճռորոշ գործոններ են և աշխարհաքաղաքական, տարածաշրջանային բարդ զարգացումների, դեպի մեզ ուղղված արտաքին և ներքին սպառնալիքների, հակամարտ ուժերի անհավասարության պայմաններում կանխարգելիչ և հակառակորդի ախորժակը զսպող դեր են կատարում։
Ես խորապես հավատում եմ, որ Հայկական բանակը, հայ ժողովուրդը շարունակելու են պատվով դիմակայել մարտահրավերներին`ապահովելով մեր քրիստոնյա պետության արժանի ներկայությունը աշխարհի հզոր տերությունների կողքին։
Կորով եմ մաղթում ձեր ոգիներին, զորություն՝ բազկին․․․
Եվ հավերժ խոնարհվում եմ
հանուն հայրենիքի, խաղաղության նահատակված մարտիկների հիշատակի, նրանց հարազատների, մարտերով անցած մեր եղբայրների ու որդիների սխրանքի առաջ։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Օլեշկիից տարհանված ուկրաինացիները Ուկրաինայում են
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում