Ինչո՞ւ են կանայք սիրում մերկանալ

Երբ օդի ջերմաստիճանը բարձրանում է եւ կանայք սկսում են ավելի թեթեւ հագնվել, դա հասկանալի է, բայց շատ հաճախ կանայք մերկանում են ոչ թե շոգի, այլ տղամարդկանց ուշադրությունը գրավելու համար: Եւ շատերի մոտ հարց է առաջանում, թե ինչու են կանայք սիրում մերկանալ:

Վստահաբար կարող ենք ասել, որ հիմա կանանց մի մասը կարդալով այս տողերը շտապում է ասել՝ ես մերկանալ չեմ սիրում: Բայց մի՞թե դա իրոք այդպես է:

Հոգեբան լինել պետք չէ հասկանալու համար, որ աղջիկներն ու կանայք մերկանում են տղամարդկանց ուշադրությունն իրենց վրա բեւեռելու համար: Եւ ինչու են ոմանք նախընտրում ուշադրություն գրավել մանիկյուրով կամ գեղեցիկ զգեստով, իսկ մյուսները՝ գերակշիռ մասը՝ մարմինը ցուցադրելով:

Այնպիսի տպավորություն է, որ կանայք անհամբեր սպասում են ջերմաստիճանի բարձրացմանը, որ առիթ գտնեն իրենց մարմինը ի ցույց դնելու համար: Վերջապես այդ ինչ ուժ է կանանց ստիպում գնալ այդ քայլին: 

«Որքան էլ տարօրինակ հնչի, հոգեբանական առողջության տեսանկյունից նորմալ է, որ կինը մերկանում է կամ կիսամերկ է լինում»,- ասում են հոգեբանները, ավելացնելով, որ կանայք հանրային վայրերում ընդունված նորմերի չափերով մերկանալով՝ բացելով փորիկը, մեջքը, ոտքերը, կրծքի մի մասը, ասում են, որ իրենք ընդունում են խաղի կանոնները: 

«Մերկանալը դարձել է յուրօրինակ նորաձեւություն: Յուրաքանչյուր կին, աղջիկ, ցանկանում է հայտնի եւ գեղեցիկ լինել: Բավական է հանվել եւ ամեն ինչ լավ կլինի, մտածում են աղջիկները, կանայք, նայելով փայլուն ամսագրերը, որոնցում պատկերված են հարուստ եւ մերկ մոդելները»,- կարծում է հոգեթերապեւտ, սեքսաբան Օլգա Կուլգավչուկը:

Նա նաեւ նշում է, որ տղամարդիկ, փողոցում տեսնելով ակնհայտ բաց հագնված կանանց, մտածում են, որ նա արկած է փնտրում: Հոգեթերապեւտը ասում է, թե դա ճիշտ չէ, բայց դա այնքան էլ համոզիչ չէ: Հոգեբանների մի մասը վստահ է, որ, հնարավորին չափ մերկ փողոց դուրս գալով, կինը ենթագիտակցական մակարդակում ցանկանում է որսված լինել տղամարդկանց կողմից: Իհարկե, մերկանալով կինը չի երազում հանդիպել մոլագարի, դառնալ զոհ, այլ ցանկանում է սեր գտնել:

Կանայք կարճ հագնելով, թափանցիկ շորեր հագնելով, լողափում կրծքերը եւ հետույքը բացելով ընդամենը ցանկանում են սիրված լինել, եւ ոչ թե մոլագարի հարձակման զոհ դառնալ: Շատ կանայք չեն ընդունում, որ իրենք մերկանում են հենց տղամարդկանց համար, բայց ենթագիտակցական մակարդակում հենց դա է:

Կին-տղամարդ հարաբերությունների բարդությունը կայանում է նրանում, որ մերկանալով կամ բաց հագնվելով կինը երկարաժամկետ հարաբերություններ, սեր է փնտրում, իսկ տղամարդը, տեսնելով լողափում կրծքերը բացած կամ փողոցում կարճ հագած կնոջը, հասկանում է, որ նա մեկանգամյա սեքս է փնտրում (իհարկե, չի բացառվում, որ այդպիսիններն էլ լինեն):

Ի դեպ, կանայք լողափում կրծքերը բացում են ոչ միայն տղամարդկանց ուշադրությունը գրավելու համար: Նրանք դա անում են նաեւ հանրությանն ասելու, թե թքած ունեն արգելքների վրա, եւ որ իրենք իրենց ապացուցեն, որ դեռ երիտասարդ են եւ ցուցադրելու մարմին ունեն:

Ժամանակը եւս իր կնիքը դնում է կանանց հանվելու աստիճանի վրա: Հիմա շատ ամուսիններ բոլորովին էլ դեմ չեն, որ լողափին իրենց կինը հայտնվի բաց կրծքերով եւ հետույքով: Կանայք էլ հաճույքով օգտվում են այս բարեհաճությունից եւ իրենց մերկությամբ լավ տրամադրություն են պարգեւում բոլոր առողջ տղամարդկանց:

Եւ ամենակարեւորը՝ տղամարդիկ մշտապես պետք է հիշեն, որ եթե կինը կարճ շորտով է կամ կիսաշրջազգեստով, դա դեռ չի նշանակում, որ նա ցանկանում է, որ իրեն հենց հիմա մերկացնեն կամ միեւնույնն է, թե ով իրենց առաջարկություն կանի:  

Աննա Բաղդասարյան

Top-News.am