Ինձ հետ ոչ մեկ չի կարող «ռազբիրատի» լեզվով խոսել․ Թեհմինա Վարդանյան
Ինչպես արդեն հայտնել էինք, «Լուսավոր Հայաստան» կուսակցության ղեկավար Էդմոն Մարուքյանն ասել է, որ քննարկում է Երևանի ավագանուց ԼՀԿ-ի միակ ներկայացուցիչ Դավիթ Խաժակյանին հետ կանչելու հարցը։ Մեր տեղեկություններով՝ Մարուքյանի այս որոշումը կապված է երեկ ավագանու նիստում տեղի ունեցած բուռն վեճի հետ։ Նիստից հետո ՔՊ-ականները զանգահարել են և սկսել «ռազբիրատներ» անել Մարուքյանի հետ, ԼՀԿ-ից էլ ասել են, որ իրենք չեն կարողանում վերահսկել «Հանրապետություն» կուսակցության իրենց գործընկերներին։
«Հրապարակի» հետ զրույցում «Լույս» խմբակցության անդամ Թեհմինա Վարդանյանն ասաց, որ դեռևս չի խոսել Խաժակյանի հետ․
«Ես դեռ չեմ խոսել, գաղափար չունեմ, թե ինչի մասին է խոսքը, ոչ մի կողմի հետ դեռևս չեմ խոսել, երբ կխոսեմ, այն ժամանակ կպատասխանեմ»։
Հարցրինք՝ վեճից հետո իմքայլականները զանգե՞լ են իրենց, փորձե՞լ են ճնշումներ գործադրել:
«Ինձ հետ ոչ մեկ չի կարող «ռազբիրատի» լեզվով խոսել, դա հստակ է, ես չգիտեմ, թե ով ում հետ ինչպես կարող է խոսել, բայց ինձ հետ «ռազբիրատի» լեզվով ոչ մեկ չի կարող խոսել, ես՝ իմ ազատ խոսքի արտահայտումը, ինչպես դա տեսնում եք, ես պնդում եմ»։
Գուցե պատճառն այն է, որ Վարդանյանը երեկ սպառնաց Մարությանի մասին նյութե՞ր հրապարակել՝ հարցրինք:
«Այդ նյութերից մեկն արդեն ամբողջ համացանցով տարածված է, և միշտ էլ տարածված է եղել, որ Հայկ Մարությանը հարցազրույց էր տվել Մարտի 1-ի արյունալի դեպքերի հետ կապված և ասել էր, որ հպարտ է, որ իր որդին ծնվել է Սերժ Սարգսյանի երդմնակալության օրը, մյուս նյութերը հնարավոր է, որ հրապարակվեն»։
Վարդանյանին հարցրինք նաև, թե ինչ են պատրաստվում անել, եթե, այնուամենայնիվ, Մարուքյանը որոշի Խաժակյանին հետ կանչել:
«Ես չեմ կարծում, որ «Լուսավոր Հայաստանը» նման բան կորոշի»,- պատասխանեց Թեհմինա Վարդանյանը։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են