Հայտնի իտալացի լուսանկարիչը ցույց է տվել Արցախի զինվորների առօրյան (ՖՈՏՈ)
Իտալացի հայտնի վավերագրական լուսանկարիչ Էմանուելե Ամիգետին մեկնել է Արցախ եւ ֆոտոշարք է պատրաստել հայկական բանակի զինվորների եւ տեղի բնակիչների կյանքի վերաբերյալ։
Իր կայքում լուսանկարիչը պատմել է նաեւ ապրիլյան պատերազմի իրադարձությունների մասին։
Ամիգետիի լուսանկարներում կարելի է տեսնել, թե ինչպես է անցնում երիտասարդ հայերի ծառայությունը Արցախում։ Իտալացին կարողացել է նաեւ նկարել Արցախի այն վայրերը, որոնք վերջին ժամանակներս են գնդակոծության ենթարկվել Ադրբեջանի ԶՈՒ կողմից։
Էմանուելե Ամիգետին ներկայումս շատ հայտնի արտասահմանյան պարբերականների արտահաստիքային լուսանկարիչն է։ Նրա աշխատանքները հրապարակվում են «POLITICO Europe Magazine», «Open Society Foundations», «WIRED», «VICE», «PDN», «Panorama Magazine», «Pagina 99» պարբերականներում։
Ամիգետին, դոկումենտալ լուսանկարչության բնագավառում, ԱՄՆ–ի եւ Եվրոպայի բազմաթիվ հեղինակավոր մրցանակների դափնեկիր է։