ԵՄ ԱԳ նախարարները հավանության են արժանացրել Ռուսաստանի դեմ պատժամիջոցների երկարաձգումը
Լեհաստանի արտգործնախարար Վիտոլդ Վաշչիկովսկին հայտարարել է, որ Եվրամիության անդամ երկրների արտգործնախարարները հանդես են եկել Ռուսաստանի դեմ պատժամիջոցների երկարաձգման օգտին, հայտնում է «ՌԻԱ Նովոստի»-ն:
Այդ մասին նա ասել է ԵՄ երկրների արտգործնախարարների խորհրդի նիստից հետո:
«Մինսկի համաձայնությունները չեն իրագործվում, այդ պատճառով այդ հարցով հանդես եկողների մեծ մասը վճռականորեն հանդես է եկել պատժամիջոցների կիրառումը շարունակելու անհրաժեշտության օգտին»,- նշել է Վաշչիկովսկին:
Ընդ որում՝ նա հավելել է. «Քննարկելու բան չկա»:
Հիշեցնենք, որ արևմտյան երկրները պատժամիջոցներ են սահմանել Ռուսաստանի դեմ՝ Ուկրաինայում իրավիճակի հետ կապված։