Սպիտան տունը Չինաստանին ու Ռուսաստանին կոչ է արել ճնշում գործադրել Փհենյանի վրա
ԱՄՆ վարչակազմը կոչ է անում ՉԻնաստանին, Ռուսաստանին ու տարածաշրջանի մյուս երկրներին ճնշում գործադրել Հյուսիսային Կորեայի վրա՝ պատժամիջոցներ սահմանելու միջոցով։ Այս մասին մայիսի 15-ին հայտնել է Սպիտակ տան ներկայացուցիչ Շոն Սփայսերը։
«Մենք կոչ ենք անում տարածաշրջանի բոլոր երկրներին, առաջին հերթին Չինաստանին ու Ռուսաստանին, պատժամիջոցների դիրքերից անել հնարավոր ամեն ինչ, իրավիճակի կարգավորմանն ու թերակղզում կայունություն հաստատելուն օգնելու համար»,- ասել է նա։
«Ես կարծում եմ, որ կասկած չկա, որ Հյուսիսային Կորեան շարունակում է սպառնալ ԱՄՆ դաշնակիցներին՝ Ճապոնիային, Հարավային Կորեային, նաեւ իր հարեւաններին, այդ թվում Չինաստանին ու Ռուսաստանին»,- շեշտել է Սփայսերը։