Փհենյանը հայտարարել է հրթիռի հաջող արձակման մասին
Հյուսիսային Կորեան հաջողությամբ արձակել է միջին հեռահարության հրթիռ, հայտնում է հյուսիսկորեական Կենտրոնական լրատվական գործակալությունը:
Նշվում է, որ ներկայացվել է խոշոր միջուկային մարտագլխիկ տանելու հրթիռի հնարավորությունը, փոխանցում է BBC-ն:
Հրթիռը մեծ անկյան տակ է արձակվել՝ հարեւան երկրների անտանգությունը վտանգի չենթարկելու համար, նշված է հաղորդագրության մեջ: Հրթիռն անցել է 787 կմ եւ հասել 2111 կմ բարձրության:
«Ռենհափը» նշել է, որ հրթիռը «Հվասոն-12» է կոչվում: Հյուսիսային Կորեայում հերթական փորձարկման մասին հայտնի է դարձել մայիսի 14-ի գիշերը: CNN-ի աղբյուրի տեղեկացմամբ՝ հրթիռն ընկել է Վլադիվոստոկից 100 կմ հեռավորությամբ: Սակայն Ռուսաստանի Պաշտպանության նախարարությունից հայտնել են, որ հրթիռը ռուսական սահմանից 500 կմ հեռավորությամբ է անցել եւ ընկել Ճապոնական ծովը: