Պորոշենկոյի կինը հնարավոր է զբաղվի քաղաքականությամբ
Ուկրաինայի նախագահի կինը՝ Մարինա Պորոշենկոն չի բացառում, որ կարող է զբաղվի քաղաքականությամբ։
«Այսօրվա դրությամբ ես այդ մասին չեմ մտածում։ Բայց գիտեք, երբեք մի ասա՝ երբեք»,– նրա խոսքերն է մեջբերում «Ուկրաինական պրավդան»։
Մարինա Պորոշենկոն ակտիվ հասարակական գործունեություն է ծավալում, զբաղվում է բարեգործական ծրագրերով։
Մինչ այդ նաեւ հայտնի էր դարձել, որ Մարինա Պորոշենկոն նոր սպորտային էջ է վարելու «Ուկրաինա» հեռուստաալիքի առավոտյան եթերում։ Նրա ծրագրի անդրանիկ հաղորդումը նախատեսված է մայիսի 15-ին, իսկ ծրագրի ծանուցման մեջ ուկրաինայի առաջնորդի կինը խոստանում է, որ «կօգնի ուժեղ եւ առողջ դառնալ»։