ԱՄՆ-ի հետախուզության պետը 2017-ին Թուրքիայում կանխատեսում է լարվածության աճ
ԱՄՆ-ի ազգային հետախուզության պետ Դանիել Քոսթսը հայտարարել է, որ 2017-ին իրավիճակը Թուրքիայում կարող է ավելի մեծ լարվածություն ստանալ:
Թուրքական «Haberler» լրատվամիջոցի տեղեկացմամբ` նա այդ մասին ասել է ԱՄՆ-ի սենատում ունեցած ելույթի ժամանակ: Ըստ նրա՝ լարվածության աճի հանգամանքը պայմանավորված է լինելու Թուրքիայում մամուլի նկատմամբ իրականացվող ճնշումներով:
«Թուրքիայում իշխանությունը գնալով ավելացնում է ազատության նկատմամբ ճնշումը, 2017թ. այն կարող է ավելի սաստկանալ»:
Բայց ամերիկացի պաշտոնյան չի նշել, թե ինչ կերպով կդրսևորվի լարվածության ուժեղացումը: Աղբյուրը Քոսթսի վերոնշյալ հայտարարությունը որակում է որպես «վտանգավոր կանխատեսություն» Թուրքիայի համար:
Աղբյուր` Ermenihaber.am