Ուկրաինայի ամենաբարձր ձողի վրա կախել են Եվրամիության դրոշը
Ուկրաինայի Զապորոժիեի շրջանում գտնվող Խորտիցա կղզում դրոշի համար նախատեսված՝ Ուկրաինայի ամենաբարձր ձողի վրա կախել են Եվրամիության դրոշը: Համապատասխան տեսանյութը հրապարակել է «Ազատություն» ռադիոկայանի ուկրաինական ծառայությունը, հայտնում է lenta.ru-ն:
«Եվրոպան որոշում է կայացրել առանց վիզայի ռեժիմի մասին: Եվ մենք բարձրացնում ենք ԵՄ դրոշն ամբողջ երկրի համար նշանակալի վայրում՝ մեր Խորտիցա կղզին, որտեղից դրոշը կերևա Զապորոժիե քաղաքի ամեն անկյունում»,- ասել է նահանգապետ Կոնստանտին Բրիլն արարողության ընթացքում:
Նշվում է, որ ձողի բարձրությունը 35 մետր է, իսկ բլրի հետ միասին, որի վրա այն գտնվում է՝ 90 մետր:
Ավելի վաղ հաղորդվել է, որ Եվրամիության խորհուրդը հաստատել է Ուկրաինայի քաղաքացիների համար Շենգեն գոտու երկրներ կարճաժամկետ ուղևորությունների համար առանց վիզայի ռեժիմ սահմանելու օրենսդրական նախաձեռնությունը: