Բրյուսելի քաղաքապետը թույլ չի տալու Էրդողանի համար «տոնախմբություն» կազմակերպել
Բրյուսելի քաղաքապետ Իվան Մայերը չի թույլատրելու Թուրքիայի նախագահ Ռեջեփ Թայիփ Էրդողանին աջակցող որևէ հավաք:
«Diken»-ի փոխանցմամբ՝ Մայերը նման հայտարարություն է արել այն բանից հետո, երբ պարզվել է, որ Էրդողանը ՆԱՏՕ-ի գագաթաժողովին մասնակցելու նպատակով Բրյուսել է ժամանելու 12-14 ժամ շուտ:
«Թուրքական իշխանություններին էլ եմ պաշտոնապես տեղյակ պահելու: Էրդողանի կողմից Բրյուսելում իր համար փոքրիկ տոնախմբության կազմակերպման մասին խոսք լինել չի կարող,- ասել է նա՝ հավելելով,– նախկինում էլ Էրդողանի համար սրահ չեմ տրամադրել, հիմա էլ չեմ տրամադրելու»։
7or.am