Անգլիացի դպրոցականներից սամուրայի թրեր, կացիններ եւ օդամղիչ ատրճանակներ են ատգրավել
Անգլիայի եւ Ուելսի ոստիկանությունը երկու տարվա ընթացքում դպրոցներից ավելի քան 2.5 հազար միավոր զենք է առգրավել, այդ թվում՝ սամուրայների թրեր, կացիններ եւ օդամղիչ ատրճանակներ: Այս մասին հաղորդում է BBC-ն:
Press Association-ի զեկույցի համաձայն՝ վերջին երկու տարվա ընթացքում, ընդհանուր առմամբ, 2.579 միավոր զենք է հայտնաբերվել: Տեղական ոստիկանության հաղորդմամբ՝ առգրավված զենքի շուրջ 20%-ը դանակներ եւ թրեր են:
Դպրոցներից մեկում նաեւ ոստիկանական մահակ են հայտնաբերել եւ 38 սմ-անոց մետաղական ձող: Առգրավված զենքի տերերի շրջանում մինչեւ 10 տարեկան առնվազն 47 երեխա կա: