Ուկրաինացի պատգամավորը 586 բնակարան է հայտարարագրել՝ արդարանալով, որ գոնե ազնիվ է իր ներկայացրած թվերի մեջ
Ուկրաինայի Կիևի շրջանի քաղաքային խորհրդի պատգամավոր Իգոր Օվերկոն 2016 թվականին հայտարարագրել է 586 բնակարան: Այդ մասին հաղորդում է Գազետան՝ հղում անելով «112 Ուկրաինա» կայքին:
Նշվում է, որ Օվերկոն հետագայում վաճառել է բնակարաններից 400-ը: Իսկ սեփականության վաճառքից ստացված եկամուտները կազմել են ավելի քան 50 միլիոն ուկրաինական գրիվեն:
Մեկնաբանելով իր սեփականության մասին տվյալները՝ պատգամավորը նշել է, որ ինքը «մեկն է այն եզակի պատգամավորներից, ովքեր ազնվորեն պատմում են իրենց եկամուտների մասին»:
«Ես թաքցնելու որևէ բան չունեմ, որովհետև վճարում եմ պետության բոլոր հարկերը», - ավելացրել է Օվերկոն: