Գերմանական Solarworld կոնցեռնն իրեն սնանկ է հայտարարել
Գերմանիայի արեւային մարտկոցների խոշորագույն արտադրող Solarworld ընկերությունը մայիսի 11-ին հայտարարել է ընկերության սնանկացման մասին, փոխանցում է DW-ը։
Ընկերության ղեկավար Ֆրանկ Ազբեկը հայտնել է, որ այլ ելք չի տեսնում գների նման անկման պայմաններում։ Ընկերությունն ունի շատ պարտքեր ու պետք է սնանկ ճանաչվի։ Նա պարտավոր է անել դա երեք շաբաթվա ընթացքում։
2013-ին ընկերությանը հաջողվել էր խուսափել սնանկացումից՝ կրճատելով կապիտալը։ Կոնցեռնը բարդություններ ունի՝ գների անկման ու շուկայում արեւային մարտկոցների ավելցուկի պատճառով։ Այդ տարվա ապրիլին ընկերությունը հայտնել էր, որ հույս ունի մինչեւ 2019-ը նորից եկամուտներ ստանալ։