Լավրովը կոչ է արել ԵՄ-ին հասկանալ, որ «ուսուցիչ-աշակերտ» հարաբերությունների ժամանակն անցել է
Ռուսաստանի արտաքին գործերի նախարար Սերգեյ Լավրովը կոչ է արել Եվրոպային հասկանալ, որ Ռուսաստանի հետ «ուսուցիչ-աշակերտ» հարաբերությունների ժամանակն անցել գնացել է վաղուց, հայտնում է ՌԻԱ Նովոստի գործակալությունը:
Այս մասին նա հայտարարել է «Միր» հեռուստառադիոընկերությանը տված հարցազրույցում՝ մեկնաբանելով Գերմանիայի կանցլեր Անգելա Մերկելի ունեցած բանակցությունները Ռուսաստանի նախագահ Վլադիմիր Պուտինի հետ:
«Այդ այցն, իհարկե, շատ հատկանշական է եղել, քանի որ դա Մերկելի առաջին այցելությունն էր մի քանի տարվա մեջ: Իսկ խոսակցությունը եղել է կառուցողական, գործնական, առանց որևէ դասախոսության փորձի: Դա է մեր սկզբունքը, և մենք ակնկալում ենք, որ Եվրոպան պետք է հասկանա, որ «ուսուցիչ-աշակերտ» հարաբերությունների ժամանակն անցել գնացել է վաղուց», - ասել է Լավրովը:
Լավրովի խոսքով՝ Ռուսաստանը նկատում է հակասական դիրքորոշումներ Եվրոպական Միության ներսում, որտեղ մեծամասնությունը տեսնում է Մոսկվայի հետ երկխոսություն հաստատելու անհրաժեշտությունը, իսկ «ագրեսիվ փոքրամասնությունը» կտրականապես դեմ է դրան: