«Վերնատան» համաժողովը եւ իշխանությունների վախերը

«Վերնատուն» հասարակական-քաղաքական ակումբի համաժողովը ծանր տարան իշխանության ներկայացուցիչները, նրանց աջակիցներն ու նրանց տիրույթում գտնվող լրատվամիջոցները, այդ թվում եւ Հանրային կոչվող հեռուստաալիքը:

Հայհոյանքներ, վիրավորանքներ սոցիալական ցանցերում, վիրավորանքներ եւ ծաղրանք անգամ Հանրային հեռուստաալիքի կողմից: Ընդամենը մեկ համաժողով եւ այսքան բուռն եւ ցածրակարգ արձագանք:

Գործին լծվեցին իշխանությունների հաշվեկշռում գտնվող բոլոր ուժերը: Տխուր է այս ամենը, մտահոգիչ, որ ընդամենը մեկ ակումբի մեկ համաժողովը այսքան տագնապ ու անհանգստություն հաղորդեց կառավարող ուժին: Այնպիսի տպավորություն է, որ նրանց անհանգստացնում է իրենց ազդեցությունից դուրս նգտնվող ցանկացած քաղաքական ուժի քիչ թե շատ ակտիվություն:

Ի դեպ, վերեւից, թե մեկ այլ տեղից իջած հրահանգով անդադար շեշտվում է, թե հավաքվել են իրենց դարն ապրած քաղաքական գործիչները: Սա եւս մի պնդում է, որը լուրջ քննադատության չի դիմանում: Եթե չեք կիսում այս կամ այն մարդու, այս կամ այն ուժի քաղաքական դիրքորոշումը, մոտեցումները, ապա դա դեռ չի նշանակում, որ նրանց պետք է վիրավորեք, դարձնեք թշնամի: Սա հետամնացության պարզ օրինակներից մեկն է:

Եթե սա է իշխանությունների եւ նրանց իջակցությունների իրական դեմքը, ապա մեր երկիրն իրոք լուրջ խնդրի առաջ է կանգնած: Եթե Հանրային հեռուստաալիքը մարդկանց ծաղրում է միայն մեկ համաժողովի մասնակցելու համար, ապա իրոք մենք լուրջ խնդրի մեջ ենք: 

Վարդան Մխիթարյան

Top-News.am