Ռոբերտ Դե Նիրոն սուր քննադատության է ենթարկել Թրամփին
Ամերիկյան դերասան Ռոբերտ Դե Նիրոն քննադատել է Դոնալդ Թրամփի աշխատակազմի քաղաքականությունը, որն ուղղված է արվեստի աջակցության կրճատմանը,– գրում է «The Independent»–ը։
«Chaplin Award» կինոմրցանակի հանձնման արարողության ժամանակ, իր ելույթում, դերասանը հայտարարել է, որ արվեստին աջակցության ծրագրերի ֆինանսավորման կրճատումը վկայում է Թրամփի ադմինիստրացիայի՝ արվեստի նկատմամբ թշնամական վերաբերմունքի մասին։
«Ադմինիստրացիան կարծում է, որ այս ծրագրերի շրջանակներում հատկացված գումարները գնում են հարուստ լիբերալ վերնախավին։ Դա այն է, ինչ նրանք հիմա կոչում են «այլընտրանքային փաստեր», սակայն ես կնախընտրեի «անհեթեթություն» բառը»,– ասել է Դե Նիրոն։
Ռոբերտ Դե Նիրոն իր գործունեության ընթացքում խաղացել է ավելի քան 70 դեր եւ արժանացել բազմաթիվ հեղինակավոր մրցանակների, այդ թվում՝ երկու «Օսկարի»։