«Այն, որ հայկական կնիքն այստեղ ոչ մի լավ բան չի խոստանում, արդեն պարզ էր». անձնագրում առկա հայկական կնիքի պատճառով ռուս լրագրողը մնացել է ադրբեջանական անցակետում
«Великий Новгород» տեղեկատվական գործակալության թղթակից Յուլյա Գոնչարենկոն իր հոդվածում պատմել է Ադրբեջան կատարած այցի մասին:
Դեռևս Դաղստանում ռուս սահմանապահների մոտ հարցեր են առաջացել նրա անձնագրում հայկական կնիքը տեսնելուց հետո, սակայն մի քանի հարցի պատասխանելուց հետո Գոնչարենկոն անցել է ադրբեջանական կողմ:
«Այն, որ հայկական կնիքն այստեղ ոչ մի լավ բան չի խոստանում, արդեն պարզ էր: Բայց համացանցում վստահեցնում են, որ Հայաստանում եղած զբոսաշրջիկներին այնուամենայնիվ թողնում են մուտք գործել Ադրբեջան: Իսկ իրականում մեզ 4-իս էլ՝ 2 մեծահասակ և 2 երեխա, միանգամից կանգնեցրին»,- գրում է լրագրողը:
Նա նշում է նաև, որ անձնագրի կնիքները սկզբից նայում էր մեկ սահմանապահ, հետո նրան է միացել երկրորդը: Սահմանապահները սկսել են միասին հարցաքննել անցյալ տարի Հայաստանում եղած լրագրողին և նրա ուղեկիցներին:
Սահմանապահները հետաքրքրվել են, թե Հայաստանում որտեղ են եղել և ապրել, և ճշտելով, որ խոսքը միայն Երևանի և հյուրատան մասին է՝ բաց են թողել նրանց, բայց նախազգուշացումով, որ լրագրողն ու իր ուղեկիցներն առաջարկ ստանալու դեպքում երբեք չմեկնեն Ղարաբաղ, քանի որ «հակառակ դեպքում նրանց առջև կփակվեն շատ երկրների դռներ»:
Ռուսները ստիպված են եղել նաև բացատրական նամակ գրել, որ մեկնել են Հայաստան՝ որպես զբոսաշրջիկներ: Նամակը մնացել է ադրբեջանցի սահմանապահների մոտ:
Դաշտ են դուրս գալիս ձեւիստները
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Ում դրոշը պետք է երեւա սահմանի այն կողմում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Բեմ են դուրս գալիս «սոցիոլոգները»
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
61 միլիոն եվրո․ Մբապեն դատարանում հաղթել է ՊՍԺ–ին
Քիմ Քարդաշյանին ծաղրել են SKIMS-ի գովազդում չափից դուրս նիհար Սանտա Կլաուսի պատճառով
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)
Բեզոարյան այծերը հայտնվել են «Խոսրովի անտառ» պետական արգելոցի տեսախցիկում