Որքան արժե համաշխարհային աստղերի հետ հանդիպումը

Մեզնից շատերը երազում են գոնե մեկ անգամ հանդիպել մեր սիրելի աստղերի հետ և լուսանկարվել նրանց հետ: Շատ երկրպագուներ իրենց սիրելի արտիստներին հանդիպելու համար ժամեր են անցկացնում նրանց հյուրանոցների դիմաց և ետնաբեմերում, սակայն պարզվում է՝ յուրաքանչյուրը կարող է հանդիպել իր սիրելի արտիստի հետ՝ VIP տոմսերի միջոցով:

Star Insider-ը ներկայացնում է, թե որքան կարժենա ձեր սիրելի արտիստի հետ հանդիպումը.

Արիանա Գրանդե

Ամերիկացի երգչուհի Արիանա Գրանդեին անձամբ հանդիպելու համար երկրպագուները պետք է վճարեն 2999 ԱՄՆ դոլար:

Սելենա Գոմես

Եթե ցանկանում եք բաց չթողնել երգչուհի Սելենա Գոմեսի հետ հանդիպման հնարավորությունը, ապա պետք է վճարեք 600 ԱՄՆ դոլար:

Կամիլա Կաբելո

Սեպտեմբերին կայացած iHeartRadio երաժշտական փառատոնի շրջանակում Կամիլա Կաբելոյին անձամբ հանդիպելու համար երկրպագուները վճարել են 1500 ԱՄՆ դոլար՝ երկու անձի համար:

The Rolling Stones

2017 թվականին No Filter Tour համերգային շրջագայության ընթացքում համաշխարհային The Rolling Stones խմբի անդամներին անձամբ ողջունելու համար երկրպագուները վճարել են ավելի քան 35 000 դոլար:

Մայլի Սայրուս

2014 թվականի Bangerz շրջագայության VIP տոմսերը, որոնք ներառել են նաև երգչուհու հետ անհատական հանդիպում, արժեցել են 950 դոլար:

Aerosmith

Աշխարհահռչակ խումբը Լաս Վեգասում իր հետ հանդիպելու VIP «փաթեթներ» է առաջարկում: Dream on հիթի հեղինակների հետ հանդիպումների փաթեթը տատանվում է 4710-ից 6478 դոլարի սահմաններում:

Լեդի Գագա

Երգչուհի և դերասանուհի Լեդի Գագայի հետ Լաս Վեգասում հանդիպման արժեքը սկսվում է 4805 դոլարից և կարող է հասնել մինչև 5155 դոլարի:

Սակայն տարիներ առաջ՝ մինչև մեգաաստղ դառնալը, երգչուհուն կարելի էր հանդիպել 25 դոլարով:

Բրիթնի Սփիրս

2018 թվականին ամերիկացի երգչուհի Բրիթնի Սփիրսի հետ հանդիպումը երկրպագուների համար արժեցել է 2500 դոլար:

Բեյոնսե

2009 թվականին հայտնի երգչուհին իր երկրպագուների հետ հանդիպման համար առաջարկել է 1993 դոլար, իսկ ահա 2018 թվականին նրա VIP տոմսերը, չնայած բարձր արժեքին, չեն ներառել նրա հետ հանդիպում: