Օբաման Թրամփին զգուշացրել էր, որ աշխատանքի չվերցնի Մայքլ Ֆլինին
ԱՄՆ նախկին նախագահ Բարաք Օբաման ներկայիս նախագահ Դոնալդ Թրամփին զգուշացրել էր, որ չարժե աշխատանքի ընդունել գեներալ Մայքլ Ֆլինին, հաղորդում է NBC հեռուստաալիքը։
Ֆլինը 2012-2014 թթ․ զբաղեցնում էր ԱՄՆ Պենտագոնի հետախուզական վարչության ղեկավարի պաշտոնը, իսկ 2017-ի հունվարի 20-ից փետրվարի 13-ը եղել է Թրամփի անվտանգության հարցերով խորհրդականը։ Նա հրաժարական է տվել այն մեղադրանքների ֆոնին, որ լիովին չի հրապարակել Վաշինգտոնում ՌԴ դեսպան Սերգեյ Կիսլյակի հետ 2016-ի վերջին ունեցած իր զրույցի բովանդակությունը։
Սակայն Ֆլինին աշխատանքի չվերցնելու Օբամայի զգուշացումը պայմանավորված չէր գեներալի «ռուսական կապերով», այլ ավելի շուտ նրա բնավորության ու վատ ղեկավարման պատճառով էր»,- հայտնում է հեռուստաալիքն առանց փակագծերը բացելու։
Բացի այդ, Ֆլինի հրաժարականից հետո ամերիկյան ԶԼՄ-ները հայտնել էին, որ գեներալն ԱՄՆ Արդարադատության նախարարությունում գրանցված է եղել որպես «արտասահմանյան գործակալ»: