Գիտնականներ․ Օծանելիքը մատնում է կնոջ տարիքը

Գիտնականները հայտնում են, որ կնոջ օծանելիքի բույրով կարելի է հեշտությամբ որոշել նրա տարիքը։ Փորձագետները ենթադրում են, որ օծանելիքի հարցում կանանց նախապատվությունները կարող են շատ բան պատմել նրա մասին, հայտնում է Vistanews.-ը։

Ըստ ճապոնացի գիտնականների հետազոտության արդյունքների,կնոջ օծանելիքի բույրը կարող է շատ բան հուշել տղամարդուն։ Այնպիսի բաներ, որոնց մասին կինը կնախընտրեր լռել։ Օրինակ տարիքը ու բնավորությունը։ Գիտնականները իրենց տեսությունն ապացուցելու համար փորձ են իրականացրել, որին մասնակցել են կին ու տղամարդ կամավորականներ։ Բոլոր մասնակիցներին բաժանել են երկու խմբի՝ առաջին կատեգորիան՝ տղամարդիկ էին, որոնք պետք է սկանավորեին աղջկան, իսկ երկրորդը՝ կանայք, որոնք իրենց համար օծանելիք էին ընտրում։ Երբ հիասքանչ կայանք ցանում էին իրենց սիրելի օծանելիքը,տղամարդիկ փակ աչքերով պետք է գուշակեին կանանց տարիքը, դատելով ընդամենը նրանց օծանելիքի բույրից։ Փորձը բավականին հաջող է անցել ու բարձր արդյունքներ ունեցել։ Այստեղից էլ կարելի է եզրակացնել, որ կանանց բույրի մասին գիտնականների տեսությունը 100 տոկոսով ճիշտ է։ Ըստ տեսության՝ երիտասարդ աղջիկները նախընտրում են մրգերի կամ խոտերի թեթեւ բույրեր, իսկ ավելի հասուն կայայք՝ ընտրում են ավելի հագեցած բույրեր՝ քաղցր,մուսկուսային։ Հավանաբար պատճառն այն է, որ որքան մեծանում է կինը, այդքան շատ է ձգտում գրավել տղամարդու ուշադրությունը իր կերպարով, իրեն օժտելով այնպիսի յուրահատուկ բույրով, որը հնարավոր չէ համեմատել որեւէ այլ բանի հետ։

 NEWS.am