ԵՄ դեսպան. Հուսով եմ, որ Հայաստանի հետ համաձայնագիրը աշնանը կստորագրվի
Եվրամիության հայաստանյան պատվիրակության ղեկավար, դեսպան Պյոտր Սվիտալսկին հույս ունի, որ Հայաստանի եւ ԵՄ-ի միջեւ համընդգրկուն եւ ընդլայնված գործընկերության մասին համաձայնագիրը ստորագելուն պատրաստ կլինի աշնանը: Այս մասին նա հայտարարեց մայիսի 8-ի կայացած մամուլի ասուլիսի ընթացքում:
Դեսպանի խոսքով՝ ներկայումս փորձագետները ստուգում են իրավաբանական եւ տեխնիկական բոլոր ուղղությունները: Նա հավելեց, որ ԵՄ-ն անհամբերությամբ է սպասում այս համաձայնագրի կնքմանը, որը ԵՄ-ի եւ Եվրասիական միության անդամի միջեւ ամենահավակնոտ փաստաթուղթն է:
Դեսպանի կարծիքով՝ համաձայնագիրը որակապես նոր է այն բանի համեմատությամբ, որը ԵՄ-ը արել է Հայաստանի հետ հարաբերություններում:
Սվիտալսկին նշեց, որ համաձայնագիրը պետք բավարարի Հայաստանի եւ Եվրամիության հետաքրքրությունները: «Համաձայնագրերը հնարավորություններ են տալիս, բայց մենք ինչպես այն կօգտագործենք, կախված է մեզնից»,- նշեց դեսպանը: