Փարիզում բերման են ենթարկել բողոքի ակցիայի 140 մասնակիցների
Փարիզում ոստիկանությունը բերման է ենթարկել բողոքի ցույցի 140 մասնակիցների։ Այս մասին հաղորդում է «Ֆրանս Պրես» գործակալությունը։
Նախագահական ընտրությունների նախնական արդյունքները հայտարարելուց հետո, հազարավոր փարիզցիներ, դժգոհ Մաքրոնի հաղթանակից, բողոքի ակցիա էին կազմակերպել, որի արդյունքում էլ բերման են ենթարկվել հարյուրից ավելի քաղաքացիներ։ Նրանցից ինը դեռևս գտնվում են ոստիկանությունում։
Հիշեցնենք, որ միտինգի մասնակիցներին ցրելու համար Փարիզի ոստիկանությունը արցունքաբեր գազ է օգտագործել։ Մարդիկ դուրս էին եկել փողոց, երբ պարզ էին դարձել էքզիտպոլի տվյալները, համաձայն որոնց՝ «Հառաջ» շարժման առաջնորդ Էմանուել Մաքրոնը առաջ էր անցել Լե Պենից՝ հավաքելով ձայների 65,5-66,1%-ը։