Լե Պենը զանգահարել է Մաքրոնին եւ ընդունել իր պարտությունը
Ֆրանսիայի նախագահի թեկնածուներ Էմանուել Մաքրոնն ու Մարին Լե Պենը ջերմ հեռախոսազրույց են ունեցել։ Այս մասին հաղորդել եմ Մաքրոնի շտաբից։ Ըստ «Ֆիգարո» թերթի տվյալների՝ Լե Պենը զրույցի ժամանակ ընդունել է իր պարտությունը։
«Ես շնորհավորեցի հաղթողին եւ երկրի շահերից ելնելով՝ նրան հաջողություն մաղթեցի»,– ասել է Լե Պենը, քվեարկության նախնական արդյունքները հայտարարելուց հետո՝ միտինգի ժամանակ։
Հիշեցնենք, որ Ֆրանսիայի նախագահական ընտրությունների երկրորդ փուլի քվեարկությունը ավարտվել է։ Արդյունքների պաշտոնական տվյալները դեռ չկան, սակայն էքզիտպոլի տվյալները խոսում են այն մասին, որ սոցիոլոգների կանխատեսումներն իրականանում են. Մաքրոնը հաղթում է ձայների կրկնակի առավելությամբ՝ հավաքելով ընտրողների ձայների մոտ 65%–ը։
Top-News.am