Չորս երկրներ երկարաձգել են Ռուսաստանի դեմ պատժամիջոցների ժամկետը
Չորս երկիր, Եվրամիության օրինակով, կես տարով երկարաձգել են անհատական պատժամիջոցների ժամկետը Ռուսաստանի եւ Ուկրաինայի քաղաքացիների դեմ,– հայտարարել է ԵՄ արտաքին գործերի բարձրագույն ներկայացուցիչ Ֆեդերիկա Մոգերինին։
«ԵՄ մուտք գործելու թեկնածու երկրները՝ Չերնոգորիան եւ Ալբանիան, ինչպես նաեւ Նորվեգիան եւ Ուկրաինան միանում են ԵՄ խորհրդի որոշմանը։ Եվրամիությունը ընդունում է տվյալ որոշումը եւ ողջունում է այն»,– ասվում է փաստաթղթում։
Ավելի վաղ Եվրամիության Խորհուրդը երկարաձգել էր Ռուսաստանի եւ Ուկրաինայի քաղաքացիների դեմ անհատական պատժամիջոցների ժամկետը մինչեւ սեպտեմբերի 15-ը։ «Սեւ ցուցակում» ներառված է 150 ֆիզիկական անձ։