Աֆրիկայում նոր մահացու հիվանդություն է ի հայտ եկել
Արեւմտյան Աֆրիկայում գրանցվել են անհայտ հիվանդության դեպքեր, որոնց մոտ կեսը՝ մահվան ելքով։ Այս մասին ուրբաթ օրը հաղորդել է ՌԴ առողջապահության նախարարությունը։
Համաձայն գերատեսչության ներկայացրած տեղեկատվության՝ 2017 թվականի ապրիլի 23-ից մայիսի 4–ն ընկած ժամանակահատվածում Լիբերիայի Հանրապետության շրջաններից մեկում հիվանդացել են 28 մարդ։ Էբոլա վիրուսի նկատմամբ անալիզները բացասական են եղել։ Հաղորդվում է 12 մահացածների մասին։
Հիվանդության ախտանիշներն են՝ բարձր ջերմությունը, սրտխառնոցը, փսխումը, փորլուծությունը։ Ենթադրվում է, որ պատճառը կարող է լինել վարակված մթերքի կամ ջրի օգտագործումը։
Նշվում է, որ հետաքննությանը միացել են ԱՀԿ–ի եւ այլ միջազգային կազմակերպությունների մասնագետներ։