Նարեկ Մութաֆյանը եւ Սարգիս Օհանջանյանը ժամ առաջ պետք է ազատ արձակվեն. փաստաբան
Ակտիվիստներ Նարեկ Մութաֆյանը եւ Սարգիս Օհանջանյանը ժամ առաջ պետք է ազատ արձակվեն։ Այս մասին այսօր՝ հոկտեմբերի 21–ին Վերաքննիչ քրեական դատարանում լրագրողների հետ զրույցում հայտարարեց ակտիվիստների պաշտպան Վահե Եփրիկյանը։
«Առաջին ատյանի դատարանի դատավոր Արտուշ Գաբրիելյանի կողմից Նարեկ Մութաֆյանին կալանավորելու դատական այտն այն աստիճանի խայտառակ է, իսկ քննիչի ներկայացրած միջնորդոթյունը այնքան դատարակ, որ օրինական դատարանը նման խափանման միջոցը պետք է վերացնի եւ ժամ առաջ Նարեկ Մութաֆյանը եւ Սարգիս Օհանջանյանը պետք է ազատ արձակվեն»,–հայտարարեց նա։
Փաստաբանը վերահաստատեց իր այն պնդումը, որ կալանավորված ակտիվիստները քաղբանտարկյալներ են։
«Նարեկ Մութաֆյանը որեւէ նոր բան չի արել, այլ ընդամենը վարչապետի եւ բարձրագույն դատական խորհրդի նախագահի պնդումները հարցադրման տեսքով վերարատադրել է։ Եթե մենք տեսնում ենք, որ վարչապետի կամ ԲԴԽ նախագահի նկատմամբ որեւէ քրեաիրավական ներգործություն չի իրականացվել, քրեական գործեր չեն հարուցվել, մեղադրանք չի առաջադրվել, իսկ Մութաֆյանին նույն արարքը կատարելու համար խելամտությունից դուրս հոդված են առաջարդրել եւ կալանավորել, իհարկե նշանակում է, որ նրանք քաղաքական հետապնդումների են ենթարկվում»,–ասաց նա։
Նշենք, որ Մութաֆյանի պաշտպանները Վերաքննիչ դատարանում վիճարկում են ակտիվիստի կալանավորման իրավաչափությունը։
Մութաֆյանը կալանավորվել է սեպտեմբերի 29-ին Երեւանի ընդհանուր իրավասության դատարանի դատավոր Արտուշ Գաբրիելյանի որոշմամբ։ Հիշեցնենք, որ սեպտեմբերի 27-ի ուշ երեկոյան դատավոր Աննա Դանիբեկյանն, ով քննում է Ռոբերտ Քոչարյանի եւ մյուսների վերաբերյալ քրեական գործը, ոտքով գնալիս է եղել Շենգավիթի դատարան, երբ նրան են մոտեցել երիտասարդներ, որոնց թվում՝ Նարեկ Մութաֆյանը: Վերջինս մասնակցում էր Շենգավիթի դատարանի դիմաց ի պաշտպանության Ռոբերտ Քոչարյանի բողոքի ակցիաներին: Մութաֆյանը, ֆեյսբուքում ուղիղ եթերով հեռարձակում միացնելով, դատավոր Դանիբեկյանին պարբերաբար հարցրել է, թե արդյոք նա կա՞ «վնգստացող դատավորների ցանկում»:
Տեղի ունեցածից հետո հանցագործության մասին հաղորդում է ներկայացվել եւ հարուցվել քրեական գործ, որով մեղադրյալ են ներգրավվել Նարեկ Մութաֆյանն ու Սարգիս Օհանջանյանը: Վերջիններս մեղադրվում են արդարադատության իրականացմանը խոչընդոտելու նպատակով դատարանի գործունեությանը միջամտելու մեջ:
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են