Լեռնային Ղարաբաղի՝ Ադրբեջանի կազմ վերադառնալու որևէ հեռանկար չեմ տեսնում. Զատուլինը պատասխանել է ադրբեջանական բողոքին
Օրերս Ստեփանակերտում կայացել է «Համագործակցություն հանուն արդարության և խաղաղություն» կամ «Արցախի բարեկամներ» խորագրով միջազգային համաժողովը, որին մասնակցել են 150 հյուրեր աշխարհի 30 երկրից: Համաժողովի աշխատանքներին մասնակցել է նաև ՌԴ Պետդումայի՝ ԱՊՀ, եվրասիական ինտեգրման հարցերով հանձնաժողովի փոխղեկավար Կոնստանտին Զատուլինը:
Ռուս պատգամավորը РУСАРМИНФО-ին տված հարցազրույցում նշել է, որ չէր կարող չընդունել Ստեփանակերտ գալու հրավերը, քանի որ իրեն դասում է Արցախի բարեկամների շարքը, ուր առաջին անգամ այցելել է դեռևս 25 տարի առաջ:
«Ես իմ ելույթում ուշադրություն եմ հրավիրել այն հանգամանքի վրա, որ թեև Ռուսաստանում 2 մլն հայ է բնակվում, որը մեր հասարակության ազդեցիկ և հարգարժան մասն է, Արցախի բարեկամների շրջանում Ռուսաստանից միայն հայեր չեն ընդգրկված: Ռուսաստանում կան մարդիկ, որոնք որոշակի համակրանք են տածում Լեռնային Ղարաբաղի, նրա ժողովրդի հանդեպ, քանի որ երկար տարիներ մարդիկ այնտեղ պայքարել են իրենց ինքնորոշման համար, և դա սկսվել է Խորհրդային Միության փլուզումից շատ առաջ»,- շեշտել է պատգամավորը:
Զատուլինի խոսքով՝ Ստեփանակերտի ամբիոնից որևէ «արյունարբու» հայտարարություն Բաքվի հասցեին չեն արվել, այնուամենայնիվ նրա ելույթն ու ներկայությունը Ստեփանակերտում դժգոհություն են հարուցել Ադրբեջանում:
«Ես միայն ասել եմ, որ վստահ եմ, որ խիղճն ու արդարությունը ժողովրդի՝ հանուն ինքնորոշման պայքարի կողմից են, Լեռնային Ղարաբաղի կողմից են: Ես Լեռնային Ղարաբաղի՝ Ադրբեջանի կազմ վերադառնալու որևէ հեռանկար չեմ տեսնում: Դրա համար պետք է կոտորել Արցախի ողջ բնակչությունը, բայց աշխարհում ոչ ոք թույլ չի տա, որ նման բան պատահի: Ոչ ոք թույլ չի տա, որ կրկին Հայոց ցեղասպանության պես մի բան տեղի ունենա, ինչպես Օսմանյան կայսրությունում 20-րդ դարում»,- հավելել է Զատուլինը:
Նա նշել է, որ 2010 թվականից Ադրբեջանն իր դեմ կիրառել է բոլոր հնարավոր պատժամիջոցները, այդ թվում՝ արգելել է մուտքը երկիր՝ Լեռնային Ղարաբաղի ընտրություններում դիտորդի կարգավիճակով ներկա լինելու համար:
Հիշեցնենք, որ այսօր ավելի վաղ Մոսկվայում Ադրբեջանի դեսպանատունը բողոքի նոտա էր հանձնել ԱԳՆ՝ կապված Զատուլինի՝ Արցախ կատարած այցի հետ:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար