Ստեփանակերտում ֆրանկոֆոնիայի կենտրոն կկառուցվի
Արցախի եւ Ֆրանսիայի համագործակցությունը լրացվել է գործնական եւս մեկ քայլով՝ ԱՀ կրթության, գիտության եւ սպորտի նախարարության հետ Ստեփանակերտում Պոլ Էլուար ֆրանկոֆոնիայի կենտրոնի կառուցման վերաբերյալ հուշագիր է ստորագրվել։ Այս մասին Արցախի ազգային ժողովի նախագահ Աշոտ Ղուլյանի հետ Ֆրանսիայից ժամանած պատվիրակության անդամների հանդիպմանն ասել է «Ֆրանսիա-Արցախ» բարեկամության շրջանակի նախագահ Ֆրանսուա Ռոշբուլանը։
Արցախի Հանրապետության Ազգային ժողովի լրատվության և հանրության հետ կապերի բաժնից հայտնում են, որ Աշոտ Ղուլյանը հոկտեմբերի 12-ին ընդունել է Ֆրանսիայից ժամանած պատվիրակությանը, որի կազմում են «Ֆրանսիա-Արցախ» բարեկամության շրջանակի անդամներ, տեղական ինքնակառավարման մարմինների ներկայացուցիչներ, լրագրողներ եւ Հայ Դատի Ֆրանսիայի գրասենյակի պատասխանատուն: Պատվիրակությանն Արցախում ուղեկցում է Ֆրանսիայում Արցախի ներկայացուցիչ Հովհաննես Գեւորգյանը:
Խոսելով Արցախի եւ Ֆրանսիայի համագործակցության մասին՝ խորհրդարանի ղեկավարն այն գնահատել է որպես հաջողված եւ օրինակելի բարեկամություն, որի նշաձողը տարեցտարի բարձրանում է: Աշոտ Ղուլյանն անդրադարձել է նաեւ Արցախի ու Ֆրանսիայի քույր քաղաքների եւ գյուղերի համագործակցությանը եւ գործընթացում ծագած խոչընդոտներին:
«Ֆրանսիա-Արցախ» բարեկամության շրջանակի նախագահ Ֆրանսուա Ռոշբուլանը, շնորհակալություն հայտնելով ընդունելության համար, նշել է, որ համագործակցությունն այսօր լրացվել է գործնական եւս մեկ քայլով՝ ԱՀ կրթության, գիտության եւ սպորտի նախարարության հետ Ստեփանակերտում Պոլ Էլուար ֆրանկոֆոնիայի կենտրոնի կառուցման վերաբերյալ հուշագրի ստորագրմամբ: Նա նաեւ հույս է հայտնել, որ Ֆրանսիայի մյուս քաղաքները եւս կմիանան Արցախի քաղաքների հետ համագործակցության հուշագրերի ստորագրմանը:
Ֆրանսիայի Առնուվիլ եւ Բուրգ լե Վալանսի քաղաքապետեր Պասկալ Դոլը եւ Մարլեն Մուրիեն, խոսելով այս տարի հունիսի 11-ին Գրենոբլի վարչական դատարանի կողմից չեղարկված Ֆրանսիայի եւ Արցախի քաղաքների միջեւ համագործակցության հռչակագրերի մասին՝ նշել են, որ հետեւողական են լինելու անհարթությունները վերացնելու գործում:
Հանդիպման ընթացքում մտքեր են փոխանակվել ֆրանկոֆոնիայի միջոցով Արցախը ճանաչելի դարձնելու, քույր քաղաքների միջեւ նպատակային համագործակցությանը եւ ադրբեջանա-ղարաբաղյան հակամարտության բանակցային գործընթացին վերաբերող թեմաների շուրջ:
Հանդիպմանը մասնակցել են նաեւ «Արցախ-Ֆրանսիա» բարեկամության շրջանակի անդամ ԱԺ պատգամավորներ:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար