Քեյթն ու Ուիլյամը 1․5 միլիոն եվրո են պահանջել թոփլես լուսանկարների հրապարակման համար

Արքայազն Ուիլյամն ու նրա կինը՝ Քեյթ Միդլթոնը Closer ամսագրից 1․5 մլն եվրո են պահանջել։

Ամսագիրը 2012-ին սեպտեմբերին հրապարակել էր լողափին իր ամուսնու հետ թոփլես վիճակում արեւայրուք ընդունող Միդլթոնի լուսանկարները, ինչը ըստ ամուսինների՝ բարոյական վնաս է հասցրել իրենց։ Ամսագրում հրապարակվել էր թոփլես դքսուհու 12 լուսանկար։

Մինչդեռ ամսագրի խմբագրությունը հավաստիացնում է, որ այդ լուսանկարները ամենեւին չեն նվաստացնում Միդլթոնի արժանապատվությունը։ Նրանց խոսքով լուսանկարների վրա պատկերված է «գեղեցիկ, սիրահարված ու ժամանակակից» զույգ։

Մայիսի 2-ի առավոտյան ամսագրի աշխատակիցները կանգնել են դատարանի առաջ՝ մասնավոր կյանքի իրավունքը ոտնահարելու մեղադրանքով։

NEWS.am