Հրայր Թովմասյանը Գերմանիայի դեսպանի հետ անդրադարձել է նաեւ երկրի դատաիրավական ոլորտի ընթացիկ հիմնախնդիրներին
2019 հոկտեմբերի 8-ին Սահմանադրական դատարանի նախագահ Հրայր Թովմասյանը հանդիպել է Հայաստանի Հանրապետությունում Գերմանիայի Դաշնության նորանշանակ արտակարգ եւ լիազոր դեսպան Միխայել Բանցհաֆին: Այս մասին տեղեկանում ենք ՍԴ-ի լրատվության բաժնից։
Սահմանադրական դատարանի նախագահը ողջունել է դեսպանին եւ շնորհավորել Հայաստանում իր դիվանագիտական առաքելության մեկնարկի կապակցությամբ՝ մաղթելով նրան արգասաբեր աշխատանք՝ հայ-գերանական բարեկամական հարաբերությունների զարգացման կարեւոր գործում: Դեսպանն անդրադարձել է Սահմանադրական դատարանի եւ Գերմանիայի դեսպանության միջեւ առկա ջերմ եւ համագործակցային հարաբերություններին եւ հայտնել իր հանձնառությունն առ այն, որ արդյունավետ եւ ակտիվ համագործակցությանը կկրի շարունակական բնույթ:
Հրայր Թովմասյանը ներկայացրել է Հայաստանի եւ Գերմանիայի Սահմանադրական դատարանների միջեւ ձեւավորված բարեկամական եւ գործընկերային հարաբերությունները՝ անդրադառնալով 2019 թվականին Գերմանիայի Սահմանադրական դատարանի նախագահի գլխավորած ներկայացուցչական պատվիրակության Հայաստան կատարած արդյունավետ այցի մանրամասներին։ Հ․ Թովմասյանը դեսպանին հայտնել է, որ 2020 թվականի սկզբին նախապատրաստվում է իր գլխավորած պատվիրակության պատասխան այցը Գերմանիա։
ՀՀ սահմանադրական դատարանի նախագահը գոհունակությամբ է խոսել նաեւ Գերմանիայի միջազգային համագործակցության կազմակերպության (GIZ-ի) իրավական ծրագրի եւ «Կոնրադ Ադենաուեր» հիմնադրամի հայաստանյան մասնաճյուղի հետ արդյունավետ համագործակցության մասին՝ բարձր գնահատելով սահմանադրական իրավունքի ոլորտում գերմանացի գործընկերների եւ փորձագետների հետ իրականացվող փորձի փոխանակման ծրագրերը:
Զրուցակիցներն անդրադարձել են նաեւ Հայաստանի Հանրապետությունում դատաիրավական ոլորտի ընթացիկ հիմնախնդիրներին եւ բարեփոխումներին՝ կարեւորելով վերջիններիս իրականացումը ՀՀ Սահմանադրությանը եւ Հայաստանի միջազգային պարտավորություններին համահունչ:


















































Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Ստեփանծմինդա-Լարս ավտոճանապարհը փակ է բեռնատարների համար
Կրկին ակտիվացել են ՆԳՆ անունից զեղծարարության փորձերը
Միլանը հյուրընկալվել էր Ջենոային
Վարչապետն ընդունել է Իրանի փոխնախագահի գլխավորած պատվիրակությանը
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)