Արմեն Գևորգյանը ցանկանում է մեկնել Ավստրիա՝ հերթական բուժզննության համար
ՀՀ երկրորդ նախագահ Ռոբերտ Քոչարյանի և մյուսների գործով այսօրվա դատական նիստի ժամանակ նախկին փոխվարչապետ Արմեն Գևորգյանի պաշտպան Էրիկ Ալեքսանյանը դատարանին միջնորդություն ներկայացրեց՝ իր պաշտպանյալի խափանման միջոցը փոխելու մասին: Ալեքսանյանը միջնորդեց խափանման միջոցը՝ երկրից չհեռանալու մասին ստորագրությունը վերացնել, իսկ այդ միջնորդության մերժման դեպքում Գևորգյանին ժամանակավորապես ՀՀ-ից մեկնելու թույլտվություն տրամադրել:
Ալեքսանյանն ասաց, որ ի սկզբանե վարույթն իրականացնող մարմինն իր պաշտպանյալի նկատմամբ խափանման միջոց ընտրելիս ապօրինի որոշում է կայացրել, անհարկի կերպով սահմանափակվել է Արմեն Գևորգյանի ազատ տեղաշարժման իրավունքը: Պաշտպանը հայտնեց, որ Արմեն Գևորգյանն Ավստրիայի Հանրապետությունում պետք է հերթական բուժզննությունը անցնի, ուստի միջնորդեց դատարանին՝ Գևորգյանին հոկտեմբերի 26-ից նոյեմբերի 4-ը երկրից բացակայելու հնարավորություն տալ:
Փաստաբանն ասաց, որ Արմեն Գևորգյանը նաև գործնական հանդիպում ունի, որը պետք է տեղի ունենա նույն երկրում՝ նույն քաղաքում:
Նիստը նախագահող դատավոր Աննա Դանիբեկյանը հետաքրքրվեց՝ ի՞նչ հիվանդությամբ է տառապում Արմեն Գևորգյանը, ի՞նչ առողջական խնդիրներ ունի, քանի որ դատարան ներկայացված փաստաթղթերից նման բան չի երևում:
Ալեքսանյանը հայտնեց, որ իր պաշտպանյալը սրտի հետ կապված առողջական խնդիրներ ունի, բուժզննումը բացառապես սրտի հետ կապված հետազոտություն անցնելուն է վերաբերում: Գևորգյանն իր հերթին հավելեց, որ նշված ժամանակահատվածում բուժզննության մեկնելու դեպքում իր ամենամյա բուժզննումների պարբերականությունը չի խախտվի:
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են