Բանակում չծառայած արտոնյալները
Նորմալ է, անգամ լավ է, երբ երկրում խոշորամասշտաբ զորավարժություններ են անցկացվում, որին մասնակցում են նաեւ պահեստազորում գտնվողները: Նման զորավարժությունների պարբերական անցկացումները մարդկանց թույլ կտա ավելի նորմալ եւ հանգիստ վերաբերել այս ամենին, բացի այդ հասարակությունն էլ խուճապի չի մատնվի՝ հորինելով տարատեսակ լուրեր:
Այսուհանդերձ, այս զորավարժությունների անցկացումը շատերի մոտ մի հարց առաջացրեց՝ ինչու այս զորավարժություններին չեն մասնակցում նրանք, ովքեր այս կամ այն պատճառով զինված ուժերում չեն ծառայել: Իհարկե, խոսքը լուրջ հիվանդություն ունեցողներին չի վերաբերում:
Սկսած նախարարներից եւ պատգամավորներից, վերջացրած իրական եւ անիրական գիտնականներով, մարզիկներով եւ պարզապես ասպիրանտուրայում սովորածներով, որոնք բանակ չեն գնացել, հիմա էլ սուլելով պտտվում են եւ ոչ մի կերպ չեն ներգրավվում զորավարժություններին:
Սա ոչ թե միայն անարդար է, այլ նաեւ չի բխում պետության անվտանգության շահերից: Անհասկանալի է, թե ինչու բանակից խուսափածները, անկախ պատճառներից, հիմա էլ չպետք է ներգրավվեն երկրի պաշտպանությանը:
Ավելին, բանակում չծառայածներն ավելի հաճախ եւ պարբերաբար պետք է կանչվեն հավաքներին եւ աստիճանաբար լրացնեն այն բացը, որ առաջացել է բանակում չծառայած տարիներին:
Իսկ այսպես ստացվում է, որ գոյություն ունի արտոնյալների դաս, որոնք նախընտրելի պատգամավորներ եւ նախարարներ են, վարչության պետեր, եւ որոնք անգամ չեն ներգրավվում խոշորամասշտաբ զորավարժություններին:
Ովքե՞ր են այդ արտոնյալները, որոնք ամբողջ կյանքում նստած պետք է մնան հանրության եւ պետության պարանոցին: Եւ Հայաստանի նման երկրներում պետք է օրենսդրական այնպիսի փոփոխություններ կատարվեն, որոնք հստակ կսահմանեն, որ զինվորական ծառայությունից այս կամ այն պատճառով խուսափածները չեն կարող կարեւոր պաշտոններ զբաղեցնել եւ որպես թեկնածու առաջադրվել տեղական եւ համապետական ընտրությունների ժամանակ:
Իսկ հիմա անարդարությունը ցնծում է եւ արձանագրում իր հերթական հաղթանակը: Բանակում չծառայածները կողքից նայում եւ քմծիծաղ են տալիս նրանց, ովքեր հերիք չէ երկու տարի ծառայել են զինված ուժերում, հիմա էլ հենց միայն նրանց են ընդգրկում զորավարժություններին, այս կամ այն հավաքներին:
Բայց հիմա այստեղ փոփոխություններ ակնկալելը, մեծ հաշվով միամտություն է: Բանակում չծառայած արդարադատության նախարար, վարչապետ, պատգամավորներ: Պարզ է, որ այս թիմը հաստատ այս ոլորտում որեւէ արմատական փոփոխության չի գնա: Արտոնյալները դեռ կմնան արտոնյալներ:
Վարդան Մխիթարյան
Top-News.am
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին