Փաշինյանի փաստաբանն՝ ըննդեմ Փաշինյանի
Նիկոլ Փաշինյանի երբեմնի փաստաբանը ծանր գնահատականներ է տալիս այսօրվա դատաիրավական համակարգին: Խոսքը Լուսինե Սահակյանի մասին է, ով մարտի 1-ի գործով Փաշինյանի պաշտպանն էր և անհավասար պայքար էր մղում մեղադրողների ու դատավորների դեմ, պայքարում էր օրինականության վերականգնման համար: Սա այն Լուսինե Սահակյանն է, ով իրավամբ համարվում է Հայաստանի լավագույն և սկզբունքային փաստաբաններից մեկը, և ով Նիկոլ Փաշինյանի համար ժամանակին արել է գրեթե անհնարինը։
Այսօր դժվար է չկիսել Լուսինե Սահակյանի գնահատականները դատական համակարգի վերաբերայլ: Փաստաբանն իրավամբ արձանագրում է , որ դատական համակարգը հիմա հետընթաց է արձանագրում: Դատական համակարգին վերաբերող պրոցեսները մեկ գործի շուրջ են պտտվում, և ոչ ոք չի ուզում գնահատել, թե դրանք իրավական, թե ոչ իրավական գործընթացներ են:
Գործընթացները շատ արագ տեղի են ունենում, երբ այդ գործի շրջանակներում իշխանությունների համար ոչ հաճո որոշում է կայացվում: Այս դեպքում մարդիկ, ովքեր նույնիսկ իրավաբանական կրթություն չունեն սկսում են գնահատել դատավորի որոշումը՝ օրինական է, թե՝ ոչ: Դատավորների նկատմամբ վերաբերմունքը ևս պայմանավորված է այդ որոշմամբ, եթե դատավորը կալանքի մասին որոշում է կայացնում, անկախ նրանից, որ փաստաբանների գնահատմամբ ամենացածր ռեյտինգ ունեցողն է, ապա նա նույնիսկ առաջխաղացման հնարավորություն ունի, հակառակ դեպքում՝ կարող է քրեական գործ հարուցվել հենց դատավորի նկատմամբ:
«Նախկին իշխանությունները չէին փորձում բոլոր դատավորներին ենթարկեցնել, իշխանափոխությունից հետո կարծես թե անկախ դատավորների թիվը պետք է ավելանար: Բայց տեղի ունեցավ հակառակը, իշխանությունները փորձեցին առանձին դատավորներից բացի ենթարկեցնել ամբողջ դատական համակարգը»,-հարցազրույցներից մեկում նշում է Լուսինե Սահակյանը:
Հաջորդ թիրախը ՍԴ դատավորներն էին, որովհետև գործը, որի շուրջ ընթանում են բոլոր գործընթացները հասավ Սահմանադրական դատարան:
Դատական համակարգի բարեփոխման փոխարեն գործադիր իշխանությունը մխրճվել է դատական իշխանության մեջ:
Կալանքը կիրառվում է որպես պատիժ, հատկապես աղմկահարույց գործերով: Փրկօղակ են դառնում այն դատավորները, որոնք շարունակում են պայքարել անկախության համար:
Ավելացել են ապօրինի քրեական գործերը, հարուցվում են քրեական գործեր, որոնց հարուցման համար նույնիսկ բավարար հիմքեր չկան:
Սա է մեր դատաիրավական համակարգը, որի բարեփոխման փոխարեն գնում են կցորդ դարձնելու ճանապարհով: Եվ երբ համակարգի բացթողումները մատնանշվում են փաստաբանների կողմից, ովքեր գիտեն դատաիրավական համակարգը ներսից, գիտեն, թե ինչպիսին էր այն նախկինում, և ցավոք տեսնում են հետընթացը, սա իսկապես մտահոգվելու տեղիք է տալիս: Համակարգերի կազմալուծումը սպառնալիք է հատկապես պետության համար:
Հ. Գ. Կյանքը միայն գրված օրենքները չեն։ Կան նաև չգրված օրենքներ, որոնք երբեմն ավելի ազդեցիկ են։ Երբ անձի նախկին փաստաբանը հետո բուռն քննադատության է ենթարկում նախկին պաշտպանյալի գործունեությունը, ապա դա շատ ծանր բարոյական հարված է։ Ընդ-որում քննադատում է նրա գործունեութունը հենց դատաիրավական ոլորտում։ Սա ապտակ է....
Արման Պետրոսյան
«Իմ Ձայնը» նախագիծ
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին