Փաշինյանի հույսը անգրագետ պողոսներն են
Նիկոլ Փաշինյանի ֆեյսբուքյան վերջին գրառումը կրկին անգամ միայն ավելացրեց մտավախություններն ու անհանգստությունները, կրկին անգամ ապացուցեց, որ երկիրը կառավարում են առաջնայինը երկրորդայինից չտարբերող, հախուռն եւ տարերային որոշումներ կայացնող մարդիկ:
Ի՞նչ մտածես պետության այն ղեկավարի մասին, որն անդադար սպառնում է բանտով, սպառնում է ասֆալտին փռելով, բայց այսքանից հետո փորձում է իրեն ժողովրդավար գործիչ ներկայացնել:
Ամբողջովին բռնապետական կառավարում ՔՊ-ում, ամբողջովին բռնատիրական եւ բացարձակ միապետական կառավարում Իմ քայլում, եւ անդադար փորձեր երկիրը կառավարել նույն մեթոդներով եւ եղանակներով:
Նիկոլը Փաշինյանը խաղում է անգրագետ պողոսների հույզերի վրա եւ շարունակ նրանց համոզում է, թե իրենց լավ ապրելու միակ տարբերակը մարդկանց կալանավորելն ու բանտարկելն է:
Թալանչիներ, կոռումպացված տարրեր կան անգամ ԱՄՆ-ում, Գերմանիայում, Ճապոնիայում եւ նույնիսկ Նորվեգիայում: Նրանց ձերբակալում են, կալանավորում եւ եթե բավարար ապացույցներ են լինում՝ դատում: Հիմա հատուկ Նիկոլ Փաշինյանի համար՝ ոչ ԱՄՆ-ի, ոչ Գերմանիայի, ոչ Նորվեգիայի, ոչ Ճապոնիայի ղեկավարները ֆեյբուքում անդադար չեն գրում թալանչիներին բանտ գցելու մասին, իրենց ելույթներում չեն բղավում այդ մասին: Չեն բղավում, չեն գոռում, քանի որ դա ոչ թե իրենց, այլ համապատասխան մարմինների գործն է:
Այս գրառումները, ելույթները ցույց են տալիս, որ Նիկոլ Փաշինյանն իրեն համարում է նաեւ դատաիրավական համակարգի գլուխը, առաջնորդը, բացարձակ ղեկավարը եւ որեւէ մեկն իր շրջապատից չի ասում՝ ընկեր, բարեկամ, հանդարտվիր, դու չէ որ այդ գործերով պետք է զբաղվես, քո գործառույթներն այլ են:
Նիկոլ Փաշինյանն անդադար խոսում է թալանչիներից, անդադար խոսում է թալանչիներին բանտ նետելու մասին, փորձելով տպավորություն ստեղծել, թե ատելով ատում է կաշառքը, կյանքում մոտ չի եղել հովանավորչությանը եւ կաշառակերությանը, որ մտքի հեռավոր ծայրով անգամ չի անցել խոշոր հարկատուների հետ սերտ հարաբերություններ հաստատելու մասին:
Գիտնականները վաղուց, շատ վաղուց պարզել են, որ հարբեցողությունը տեղի եւ անտեղի քննադատում են նրանք, ովքեր հարբեցող են, բայց իրենց թվում է, թե այդ մասին շրջապատը չգիտի: Թմրամոլներին անդադար քննադատում եւ դատապարտում են նույն թմրամոլները, որոնց թվում է, թե դեռ որեւէ մեկը գլխի չի ընկել, որ ինքը թմրամոլ է: Նույնը անում են նաեւ այն խաղամոլները, որոնց թվում է, թե որեւէ մեկը չգիտի իրենց վնասակար հակումների մասին: Արտաամուսնական կապերի մեջ մտնող կանայք էլ, որոնց թվում է, թե իրենց հերոսական արշավները գաղտնի են մնում, անդադար խոսում են բարոյականությունից եւ ամուսնական հավատարմությունից: Սա է իրականությունը:
Եւ հանրության առողջ հատվածն իրոք հոգնել է անդադար լսել բռնել, թալանել, բանտ, դատ եւ նմանատիպ արտահայտությունները, որոնք բացասական էներգետիկ դաշտ են ստեղծում երկրում: Երկիրը հոգնել է: Երկիրը հոգնել է ընդամենը մեկ տարում:
Վարդան Մխիթարյան
Top-News.am
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Մոսկվայի բոլոր օդանավակայանները կրկին դադարեցրել են աշխատանքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար