Տպավորություն է, որ ԼՀԿ-ն, լինելով ընդդիմություն, քողարկված ձևով աշխատում է Փաշինյանի հետ. Երվանդ Բոզոյան
Քաղաքագետ Երվանդ Բոզոյանի կարծիքով՝ ընդհանուր առմամբ ուժային կառույցների ղեկավարների պաշտոնները քաղաքականացնելը ճիշտ մոտեցում է: Նա Tert.am-ի հետ զրույցում նշեց, որ այնպիսի տպավորություն է, որ փաստացի իշխանությունն ԱԱԾ արդեն նախկին տնօրեն Արթուր Վանեցյանի հրաժարականը հարմարացրեց կոնկրետ ԼՀԿ-ի առաջարկի հետ:
Նշենք, որ ԱԺ-ի կողմից առաջին ընթերցմամբ ընդունվել է ԱԱԾ տնօրենի և ոստիկանության պետի պաշտոնները քաղաքական համարելու վերաբերյալ «Լուսավոր Հայաստանի» հեղինակած օրենքի նախագիծը:
«Հիշո՞ւմ եք, որ երբ ԼՀԿ-ն նույն առաջարկն անում էր ընդամենը մի քանի ամիս առաջ, «Իմ քայլը» դաշինքի անդամները ջանասիրությամբ մերժում էին առաջարկը և ինչպիսի հիմնավորումներ էին բերում, թե իբր դա հնարավոր չէ աշխատեցնել: Բայց պարզվեց այն պահին, երբ որ Փաշինյանին շահավետ եղավ Վանեցյանին ինչ-ինչ պատճառներով հրաժարականի ուղարկել, նրանք միանգամից ԼՀԿ-ի առաջարկն օգտագործեցին»,-ասաց նա:
Քաղաքագետի կարծիքով՝ այս ամենի արդյունքում ԼՀԿ-ն վատ համբավ ձեռք կբերի: «Ֆորմալ ԼՀԿ-ի առաջարկը լավ առաջարկ էր, բայց փաստացի այն օգտագործվեց իշխանության կողմից, և բոլորի մոտ այնպիսի տպավորություն է առաջացել, որ ԼՀԿ-ն քողարկված ձևով համագործակցում է Փաշինյանի հետ: Այնպիսի տպավորություն կա, որ Փաշինյանն իր թիմի զգալի մասին չի վստահում և անվստահության պակասը կոմպեսացնում է ԼՀԿ-ի միջոցով: Ես կարծում եմ, որ այս պարագայում ԼՀԿ-ն որոշակի խնդիրներ կունենա, առնվազն իր վարկանիշի վերաբերյալ. երբ որ հայտարարում է, որ ինքն ընդդիմություն է, ըստ էության շատերի մոտ կասկած կառաջանա իրենց ընդդիմության փաստարկի վերաբերյալ»,-ասաց նա:
Երվանդ Բոզոյանը նշեց, որ փաստացի Փաշինյանը, իր նպատակներից ելնելով, փորձում է այս առաջարկը ձևակերպել, իբրև թե ընդդիմությունից է գալիս, և ձևակերպել իր նպատակները: «Բոցաշունչ ձևով Փաշինյանի կողմնակիցների կողմից մերժվում էր այս առաջարկը, և մի շարք փաստարկներ էին բերվում, որ ՀՀ-ն պատրաստ չէ դրան, նույնիսկ ասում էին, թե նոր Վանո Սիրադեղյան եք ուզում ձևավորվի Հայաստանում, բայց այսօր փաստացի այդ նույն արգումենտներն անտեսելով՝ աշխատում են, այսինքն՝ տպավորությունն այնպիսին է, որ «Լուսավոր Հայաստանը» քողարկված ձևով աշխատում է Փաշինյանի հետ՝ լինելով ընդդիմություն: Այսինքն` այս իշխանությունն իր այս քայլերով փաստացի կարող է հեղինակազրկել այն գաղափարը, որ այս կառույցները պետք է քաղաքական բնույթ ունենան, և փաստացի սուպերվարչապետական համակարգը փոխվի»,-նշեց նա:
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են