Ինչու է աշխատանքից կրճատվելն ավելի վատ, քան ամուսնալուծությունը
«Եթե հավատանք ավելի քան 4 հազար գիտական հետազոտությունների վերլուծության արդյունքում ստացված տվյալներին, աշխատանքից կրճատված աշխատակիցները այլեւս երբեք չեն կարողանում լիարժեք վերականգնել իրենց բարեկեցությունը», գրում է Bloomberg-ը, պարզաբանելով, որ բարեկեցություն ասելով՝ տվյալ դեպքում նկատի ունեն ցուցանիշների մի ամբողջ համալիր՝ հոգեկան առողջությունը, ինքնագնահատականը ու կյանքով բավարարվածությունը։ «Աշխատանքի կորուստը կարող է ուժեղ հարված լինել, որը կյանքով բավարարվածությունն ավելի շատ է նվազեցնում , քան այրիանալը կամ ամուսնալուծությունը»,- գրում է լրագրող Քրիս Ստոկել Ուոքերը, շարադրելով Արեւելյան Անգլիայի համալսարանի ու What Works Center for Wellbeing կազմակերպության գիտնականների եզրակացությունները։ Կազմակերպությունը ուսումնասիրում է Մեծ Բրիտանիայում բնակչության բարեկեցության բարձրացման մեթոդները։
Աշխատանքից հեռացվելուց հետո գործազուրկները իրենց ավելի դժբախտ են զգում հետագա մի քանի տարիների ընթացքում։ «Լավագույնը, ինչ նրանք կարող են ակնկալել՝ նոր, մշտական աշխատանք գտնելն է՝ ցանկալի է բարձր վճարվող ու պատվաբեր, որը կկարողանա թեթեւակիորեն մեղմել տեղի ունեցածից ցնցումը»,- ասվում է հոդվածում։
Իսկ ի՞նչ է տեղի ունենում այրիների հետ։ «Երբ մարդը կորցնում է կյանքի ուղեկցին, բարեկեցությունը կտրուկ նվազում է, իսկ հետո, հիմնականում վերադառնում է նախկին մակարդակին,- ասում է մասնագետներից մեկը,- Բայց գործազրկության դեպքում մենք նման էֆեկտ պարզապես չենք դիտարկում»։
Բրիտանացի տղամարդկանց մոտ բարեկեցության մակարդակը վերականգնվում է կյանքի ուղեկիցներին կորցնելուց երկու տարի հետո ։ Բայց եթե բրիտանացին կորցնում է իր աշխատանքը՝ նրա բարեկեցությունը անշեղորեն նվազում է հետագա չորս տարիների ընթացքում։ Ընդ որում տղամարդկանց համար աշխատանքի կորուստն ավելի ցավագին է, քան կանանց համար ։
«Մեր հասարակության մեջ իմաստավորված կյանքը աշխատանքն է, հասարակության մեջ սեփական ավանդն ունենալը, կարգավիճակը»,- պարզաբանում են մասնագետները։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը