Այս կառավարությանը հաջորդողը պարզելու է, թե ումից ինչքան գումար են վերցրել. Հրանտ Բագրատյան

Իրավական պետություն ստեղծող կառավարությունն ինչպե՞ս կարող է շարժվել անօրինական ձեւով, նման հայտարարություն է արել նախկին վարչապետ Հրանտ Բագրատյանը «Հայելու առաջ» հաղորդման ժամանակ, անդրադառնալով այն պնդմանը, թե Նիկոլ Փաշինյանի գլխավորած կառավարությունը արտաբյուջետային տասնյակ միլիոնավոր դոլարի գումարներ է հավաքել, որով պատրաստվում են զենք գնել:

Հրանտ Բագրատյանը պնդում է, որ եթե փող է վերցվում ինչ-որ մեկից, ապա դա սովորական նվիրատվություն է: Եւ մի օր, ըստ նախկին վարչապետի, Սաշիկ Սարգսյանը պահանջելու է իր լուսանկարը փակցնել բանակի մեկենասների կողքին:

«Այս կառավարությանը հաջորդող կառավարությունը միայն դրանով է զբաղվելու՝ պարզելու, թե ումից ինչքան են վերցրել»:

Նկարագրելով այսօր իրականացվող քայլերը բագրատյանը շեշտել է, թե ձերբակալում են ինչ-որ մեկին, հայտարարում, թե ժողովուրդ տեսեք՝ գողերին բռեցինք, ձերբակալվածին ասում են, թե համակարգում մի քանի ավելի հաստիք ես պահել, որով նախատեսվում է միայն վարչական տուգանք, բայց կալանավորում են եւ սկսում են տանջել՝ տուր 20,50, 80, 200 միլիոն: 

«Այս ամենը ներկայացվում է թալանի բացահայտում, իսկ ես նրանց քայլերում եմ հանցագործական տարրեր տեսնում»,- ավելացրել է Բագրատյանը:

Top-News.am