Նիկոլ Փաշինյանը «Սասնա ծռերի» շուրթերով փորձում է հակառակվել Ռուսաստանին. Նիկիտա Իսաև
«Սասնա ծռերի» շուրթերով ՀՀ վարչապետ Նիկոլ Փաշինյանը փորձում է ձեռնոց նետել Ռուսաստանին: Այս մասին Tert.am-ի հետ զրույցում ասաց քաղաքագետ Նիկիտա Իսաևը:
Հիշեցնենք, որ օրերս վարչապետ Նիկոլ Փաշինյանի հետ հանդիպումից հետո «Սասնա ծռեր» կուսակցության վարչության անդամ Ժիրայր Սեֆիլյանը հայտարարել էր, որ «Կրեմլը որոշել է ձերբազատվել Նիկոլ Փաշինյանից»:
Քաղաքագետն ասաց, որ «Սասնա ծռերը» ազգայնական կուսակցություն է և ներկայացված չէ խորհրդարանում, ուստի «պետք չէ նրանց հայտարարությունը դիտարկել Հայաստանի քաղաքականության կամ հասարակության կարծիքի արտահայտման համատեքստում»: Միաժամանակ, Նիկիտա Իսաևը նշեց, որ «ծուխն առանց կրակի չի լինում»:
«Փաշինյանը ձեռնոց է նետում, նա փորձում է հակառակվել, ինչպես ժամանակին հակառակվեցին Վրաստանը, Մոլդովան, Ուկրաինան: Ակնհայտ է, որ Հայաստանը կարող է հակառակվել, սա բավական իրատեսական հեռանկար է: ԵՄ-ի հետ հարաբերությունները, ԱՄՆ-ի հետ հարաբերությունները թույլ են տալիս Փաշինյանին Ռուսաստանի հետ երկարատև կոնֆլիկտի մեջ մտնել: «Սասնա ծռերի» ձեռքերով Փաշինյանը փորձում է հասկանալ Ռուսաստանի արձագանքը, բայց ես չեմ կարծում, որ այն առարկայական կլինի»,- ասաց նա:
Նիկիտա Իսաևը նկատեց, որ Ռուսաստանի համար ավելի հարմար էր Հայաստանի նախկին իշխանությունների հետ հարաբերությունները, Սերժ Սարգսյանի հետ համագործակցել: «Ներկայումս, Փաշինյանի իշխանության օրոք, ամեն ինչ այլ է: Նախորդ տարի ես հանդիպել էի Նիկոլ Փաշինյանի հետ, մենք քննարկել էինք տարբեր հարցեր, ու կարող եմ ասել, որ իմ կարծիքով, իմ տպավորությամբ, նրա համար ավելի ցանկալի է հենք տեսնել Արևմուտքի, ԱՄՆ-ի մեջ, քան՝ Ռուսաստանի»,- ասաց քաղաքագետը:
Ըստ նրա՝ երկու երկրների միջև հարաբերությունները մի փոքր սառել են: «Ռուսաստանը կուզեր, որ ՀՀ ղեկավարը լիներ ավելի լոյալ»,- հավելեց Իսաևը:
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են