Բեյոնսեն կրթաթոշակներ է սահմանել համարձակ և ստեղծարար աղջիկների համար

Ամերիկացի երգչուհի Բեյոնսեն կրթաթոշակներ է սահմանել քոլեջում սովորող աղջիկների համար, որոնք աչքի են ընկնում իրենց համարձակությամբ և ստեղծարարությամբ: Այս նախաձեռնությունը նվիրված է Lemonade ալբոմի առաջին տարեդարձին:

CNN-ի հաղորդմամբ` նախագիծը կոչվում է Formation Scholars. դրա նպատակը ոչ ստանդարտ մտածելակերպով համարձակ, ստեղծագործող և ինքնավստահ երիտասարդ կանանց և աղջիկներին օգնելն է:

Նշվում է, որ նախագծին մասնակցում է չորս ուսումնական հաստատություն: Յուրաքանչյուր քոլեջ համաձայնել է 2017-2018 ուսումնական տարվա համար ընդունել կրթաթոշակի արժանացած մեկ ուսանողուհու:

Նախագծով հետաքրքրված ուսանողներին առաջարկվում է պորտֆոլիո ներկայացնել, ինչպես նաև` «Ինչպես է Lemonade-ն ազդել ձեր կրթական նպատակների վրա» թեմայով էսսե:

tert.am

Այս թեմայով Հղի Բեյոնսեի ելույթը «Գրեմմի» մրցանակաբաշխությանը Բեյոնսեն հղիության պատճառով հնարավոր է չմասնակցի «Գրեմմի»-ին Հղի Բեյոնսեն ամբողջությամբ մերկացել է ֆոտոսեսիայի համար