Նիկոլ Փաշինյանի հետ համատեղ լայվից հետո աղբակույտերն ավելացան

Եթե պաշտոնյային վարչապետը հրավիրում է խորհրդակցության եւ այն հրապարակում ուղիղ եթերում, նշանակում է պետք է ոչ թե հարյուր, այլ հազար տոկոսով վստահ լինի, որ լայվից հետո իրավիճակ է փոխվելու:

Նիկոլ Փաշինյանն իր մոտ հրավիրեց Երեւանի քաղաքապետի պաշտոնը զբաղեցրած, հայտնի կատագերգակ դերասան, հումորիստ Հայկ Մարությանին, որը հանրության լայն շրջանում հայտնի է Կարգին Հայկո անունով, եւ հանգամանալից եւ կատակներով անդրադարձավ Երեւանի աղբահանության խնդրին:

Անդրադարձան, կատակեցին, հավաստիացրին, բայց այսօր, այդ խորհրդակցությունից օրեր անց Երեւանում աղբակույտերն ավելի նկատելի են, գարշահոտությունն ավելի զզվելի, իսկ առնետներն ավելի շատ:

Կուտակված աղբակույտեր քաղաքի բոլոր փողոցներում, բոլոր բակերում, իսկ վարչապետը քաղաքապետի հետ ուրախ-ուրախ զրուցում է եւ միջնորդում բացել Կարապի լճի կղզյակը: Իսկ ինչո՞ւ չհետաքրքրվեց նույն ուղիղ եթերում, թե ուր մնացին խոստումները, ինչու է կեղտ մեւ գորած Երեւանը:

Ի դեպ, քաղաքի այս վիճակի համար առաջին պատասխանատուն հենց վարչապետն է, որն իմքայլականներին պարտադրեց քաղաքապետի իր թեկնածուին, իսկ հետո նրան պարտադրեց իրենով հիացողներին: 

Հենց վարչապետն է պատասխանատու, որ Երեւանը կորած է կեղտի մեջ, որ տրանսպորտի վիճակը, մեղմ ասած, չի բարելավվել, որ ոչինչ չի փոխվել այս քաղաքում, իսկ վերելակները շարունակում են մնալ վտանգավոր փոխադրամիջոց:

Եւ այսքանից հետո ՀՀ քաղաքացին ինչպես վերաբերի կառավարության անդամների եւ նրա ղեկավարի խոսքի արժեքին: Ի վերջո ձերբակալություններով եւ կալանավորումներով դեռ ոչ մի երկիր չի զարգացել եւ ոչ մի մայրաքաղաք չի մաքրվել եւ բարեկարգվել:

Աննա Բաղդասարյան

Top-News.am