«Իմ սիրտը կողմ է մահապատժին». Էրդողան
Թուրքիայի նախագահ Ռեջեփ Թայիփ Էրդողանը կողմ է արտահայտվել երկրում մահապատժի վերականգնմանը:
Նա, Ռուսաստանից Թուրքիա վերադառնալիս ինքնաթիռում պատասխանելով լրագրողների հարցերին, իր պատրաստակամությունն է արտահայտել մահապատժի վերականգնման հարցում, եթե այն ընդունվի խորհրդարանի կողմից, գրում է «Սաբահ»-ը:
Եվրոպական արժեքների և մահապատժի անհամատեղելիության համատեքստում Էրդողանը նշել է. «Անգամ ամենամոտ շրջապատս ասում է, թե Եվրոպան մահապատժի համար այսպես կամ այնպես է անում: Աշխարհի տարբեր երկրներ մահապատիժ են կիրառում: Եթե խորհրդարանը քննարկի և որոշում կայացնի, ես կհաստատեմ այն»:
«Իմ սիրտը կողմ է մահապատժին»,- հավելել է Թուրքիայի առաջնորդը:
Ընդդիմադիր Ժողովրդահանրապետական կուսակցության պատգամավոր Ալի Մահիր Բաշարըրը նշել է, որ իշխող «Արդարություն և զարգացում» կուսակցությունն առաջարկ անգամ չի ներկայացրել խորհրդարան, և ինքը սխալ է համարում մահապատժի հարցն օրակարգ բերելը: Նա հավելել է, որ Թուրքիայում դատավարական սխալները ոչ թե միլիոնից մեկ են, այլ մոտ 50 տոկոս, և եթե մահապատիժ լիներ, ապա բազմաթիվ լրագրողներ, գեներալներ, գրողներ մահապատժի ենթարկված կլինեին:
Հիշեցնենք, որ Էրդողանը նախկինում նույնպես բազմիցս կողմ է արտահայտվել մահապատիժը վերականգնելու հարցում:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ցեմենտի ներմուծումը 6 ամսով կսահմանափակվի
Ինչպիսի եղանակ է սպասվում այսօր
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...