Աշխատանքի հեծանիվով էին գնում, հրաժարվում ծառայողական ավտոմեքենաներից
Իշխանափոխությունից կամ իշխանությունների բառապաշարով՝ հեղափոխությունից հետո այս կամ այն իշխանավորից կարելի էր լսել հայտարարություն, թե իրենք հրաժարվում են, թե ծառայողական ավտոմեքենաներից, թե ամառանոցներից, ավելին, պնդում էին, թե աշխատանքի հեծանիվով կամ տրանսպորտով են գնալու:
Գուցե նրանք անկեղծ էին, գուցե իրոք ուզում էին լինել հենց այդպիսին, բայց չդիմացան;: Պաշտոնը խժռեց հեղափոխության զավակներին: Նրանք սիրեցին ծառայողական ավտոմեքենաները, սիրեցին հյուրերին ճոխ ռեստորաններ տանել եւ նվերներ հանձնել, իհարկե, պետբյուջեի հաշվին, սիրեցին կառավարական ամառանոցները եւ մոռացան անգամ հեռուստացույց եւ լվազք մեքենայի ապառիկի մասին:
Հեղափոխական առաջնորդները շրջում են ուղղաթիռով, ծառայողական շքեղ ավտոմեքենաներով, հեծանիվով աշխատանքի չեն գնում, քարուքանդ եղած գազելներով տուն չեն գնում աշխատանքից հետո, անգամ ավտոբուսներով աշխատանքի չեն գնում:
Նրանք հազարավոր պատճառաբանություններ կբերեն, թե ինչու են ծառայողական ավտոմեքենայով, ինչու են այդ ավտոմեքենաներից օգտվում իրենց ընտանիքի անդամները, ինչու տեղափոխվեցին կառավարական ամառանոց, ինչու ավտոբուսով կամ հեծանիվով աշխատանքի չեն գնում: Նրանք շատ ճարտար լեզու ունեն եւ փաստարկ բերելուց չեն խեղճանա, բայց իրականությունը դրանից չի փոխվում:
Նորերը սիրեցին նաեւ պետության հաշվին գործուղումները, որոնց գերակշիռ մասը մեր երկրին ոչինչ չի տալիս: Սիրեցին եւ շաբաթներով մնում են ԱՄՆ-ում, հասնում Վիետնամ եւ Սինգապուր, օրերով եվրոպական քաղաքներում անցկացնում:
Այսուհանդերձ, այս ամենից հետո մի հարց է առաջանում՝ տղաներ, աղջիկներ ինչո՞ւ էիք «հեղափոխություն» անում...
Աննա Բաղդասարյան
Top-News.am
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Մոսկվայի բոլոր օդանավակայանները կրկին դադարեցրել են աշխատանքը
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել