«Ռուսաստանը թռիչքի մեջ է, ԱՄՆ-ին ԽՍՀՄ-ի ճակատագիրն է սպառնում, իսկ Եվրոպան ծերանում ու դողում է ինչպես Անգելա Մերկելը». Ժիրինովսկի

Ռուսաստանի վիճակը հիմա ավելի լավ է, քան Եվրոպայինն ու Միացյալ Նահանգներինը: Ավելին, Վաշինգտոնի վարած քաղաքականությունը հանգեցրել է ԱՄՆ-ում լճացման և այժմ երկրին ԽՍՀՄ-ի ճակատագիրն է սպառնում: Այդ մասին 360 հեռուստաալիքին տված հարցազրույցում ասել է Ռուսաստանի լիբերալ-դեմոկրատական կուսակցության առաջնորդ, պատգամավոր Վլադիմիր Ժիրինովսկին: Նրա խոսքով՝ Մոսկվան դաշնակից երկրների դաշինքներ չի ստեղծում և որևէ մեկին չի պարտադրում իր գաղափարախոսությունը: Միևնույն ժամանակ, Ռուսաստանին հաջողվել է կարգուկանոն հաստատել Սիրիայում, լավացնել հարաբերություններն Իրանի ու Թուրքիայի հետ:

«Այժմ Ռուսաստանն իր բոլոր հարևանների հետ լավ, սակայն փոխշահավետ հարաբերություններ հաստատելու ձգտում է ցուցադրում»,- ընդգծել է Ժիրինովսկին: Նա նաև վստահ է, որ Ռուսաստանը «թռիչքի մեջ է, երբ նրա մրցակիցները ճգնաժամի մեջ են գտնվում»:

«Անկման փուլում են գտնվում ԱՄՆ-ն, Եվրոպան ծերանում է աչքի առաջ, քանդվում է, դողում ինչպես Անգելա Մերկելը: Չինաստանից պետք չէ վախենալ, նա ոչ ոքի չի սպառնում»,- ասել է ռուս քաղաքական գործիչը:

Ըստ նրա՝ այսօր ամբողջ աշխարհն «ատում է Ամերիկային», իսկ Ռուսաստանին, ընդհակառակը, «դրական են վերաբերվում»:

«Մենք վաճառում ենք էժան գազ, իսկ ամերիկացիները՝ թանկ, մենք վաճառում ենք էժան զենք, իսկ ամերիկացիները՝ թանկ: Մենք բոլորին վիզա ենք տալիս, իսկ ԱՄՆ-ն արգելքներ է սահմանում: Այսօր մենք աշխարհի ամենաազատ երկիրն ենք, իսկ ԱՄՆ-ում լճացում է: Այնտեղ բրեժնևյան ժամանակներ են, և նրանց վատ ավարտ է սպասվում, ինչպես Խորհրդային Միության ավարտն էր»,- ասել է նա:

Այս թեմայով Ժիրինովսկի. «Միշիկո, ինչո՞ւ գնացիր Թբիլիսի: Ինչո՞ւ չեկար Մոսկվա» Ժիրինովսկին պահանջում է գործ հարուցել Ադրբեջանի նախկին դեսպանի հնչեցրած վիրավորանքներից հետո Ժիրինովսկին առաջարկել է դիակիզել Լենինին Լուկաշենկոն դառնում է ՌԴ գյուղատնտեսության գծով փոխվարչապետ, այլապես կարժանանա Պինոչետի ճակատագրին․ Ժիրինովսկի «26 տարի իշխանության, դու արդեն զզվեցրել ես». Ժիրինովսկին Լուկաշենկոյին «սովխոզի» տնօրեն է անվանել (տեսանյութ)