Ժիրինովսկի. «Միշիկո, ինչո՞ւ գնացիր Թբիլիսի: Ինչո՞ւ չեկար Մոսկվա»

Լիբերալ-դեմոկրատական կուսակցության խմբակցության ղեկավար Վլադիմիր Ժիրինովսկին հեգնանքով է մեկնաբանել Վրաստանի նախկին նախագահ Միխայիլ Սահակաշվիլիի ձերբակալությունը՝ գրելով, որ նա «կարող էր հանգիստ ապրել Մոսկվայում», եւ որ կուսակցությունը միջոցներ կձեռնարկի նրան ազատ արձակելու համար, փոխանցում է «ՌԻԱ Նովոստի»-ն:

«Միշիկո, ինչո՞ւ գնացիր Թբիլիսի: Ինչո՞ւ չեկար Մոսկվա: Մենք՝ ՌԼԴ կուսակցությունը, բոլոր միջոցները կձեռնարկենք ձեր ազատ արձակման համար: Իսկ մինչ այդ, Միշա, դիմացիր: Ես գիտեմ, թե ինչ ճաշացանկ են պատրաստել վրացական իշխանությունները քո ժամանման համար։ Որպես առաջին՝ փտած ձկան պոչերից ապուր, որպես երկրորդ՝ կարտոֆիլի կեղեւից խյուս, եւ կիսել՝ Առաջին համաշխարհային պատերազմի փոշուց»,- գրել է Ժիրինովսկին իր Telegram-ալիքում:

Քաղաքական գործիչը սարկազմով հավելել է. «ՌԼԴԿ-ն քեզ հետ է, մենք կփրկենք քեզ»:

«Սակայն կարող էիր հանգիստ ապրել Մոսկվայում, հանդիպել Յանուկովիչի հետ, նարդի խաղալ Հին Արբատում, բայց քո չափից ավելի որկրամոլության զոհ դարձար»,- հավելել է Ժիրինովսկին:

Այս թեմայով Ժիրինովսկին պահանջում է գործ հարուցել Ադրբեջանի նախկին դեսպանի հնչեցրած վիրավորանքներից հետո Ժիրինովսկին առաջարկել է դիակիզել Լենինին Լուկաշենկոն դառնում է ՌԴ գյուղատնտեսության գծով փոխվարչապետ, այլապես կարժանանա Պինոչետի ճակատագրին․ Ժիրինովսկի «26 տարի իշխանության, դու արդեն զզվեցրել ես». Ժիրինովսկին Լուկաշենկոյին «սովխոզի» տնօրեն է անվանել (տեսանյութ) Ժիրինովսկին՝ «Ֆուդ սիթի»-ում իրավիճակի մասին․ Այստեղ տայգա չէ, որ պարտադրեք ձեր վայրի բարբարոս միջոցները