Ինչ է ցանկանում ԵՄ-ն եւ ինչ մտադրություն ունի ՀՀԿ-ն

ԵՄ-ն ցանկանում է 2017 թվականը Հայաստանում կոռուպցիայի դեմ պայքարի տարի դարձնել: Այս մասին Հայաստանում մեկնարկած «Կանգնեցնենք կոռուպցիան» տեղեկատվական արշավի մասին ազդարարող ասուլիսի ժամանակ նշել է ԵՄ պատվիրակության ղեկավար, դեսպան Պյոտրս Սվիտալսկին: նա համոզմունք հայտնեց, որ 2017-ն այս առումով բեկումնային տարի է լինելու, քանի որ Հայաստանի նոր կառավարությունը կոռուպցիայի դեմ պայքարը դրել է իր առաջնահերթությունների շարքում եւ լուրջ ջանքեր է գործադրել` նոր ինստիտուցիոնալ եւ օրենսդրական դաշտ ձեւավորելու, կոռուպցիայի դեմ պայքարի նոր համակարգեր ներդնելու ուղղությամբ. «ԵՄ-ն շարունակելու է իր աջակցությունը ՀՀ կառավարության, ինչպես նաև քաղաքացիական հասարակության ջանքերին կոռուպցիայի դեմ պայքարում: Այս տարին հնարավորություն է կատարելու մեկ քայլ առաջ»:

Դեսպանի խոսքով, Հայաստանում կա նաեւ շատ պրոֆեսիոնալ և նպատակասլաց քաղաքացիական հասարակություն, որն ակտիվորեն ներգրավված է կոռուպցիայի դեմ պայքարի աշխատանքներում. «ԵՄ-ՀՀ կառավարություն-քաղաքացիական հասարակություն համատեղ ջանքերի հաջողությունը կախված է նաեւ հասարակ քաղաքացիների արձագանքից: Արշավի շրջանակներում կցուցադրվեն անիմացիոն ֆիլմեր, հոլովակներ, քարոզչական նյութեր: Դրանք կներկայացնեն, թե ինչ վատ բան է կոռուպցիան: Դա մարդկանց գիտակցության մեջ պետք է սերմանել վաղ տարիքից»:

Լուրեր Հայաստանից - NEWS.am