Տարօրինակ պատմություն փլատակների տակ մնացած 110 ոչխարի եւ նրանց տիրոջ մասին

Ապրիլի 19-ին, ժամը 12:27-ին տեղեկատվություն է ստացվել, որ Շիրակի մարզի Արփենի գյուղի «Հին գյուղ» կոչվող տարածքի վերջնամասում փլուզվել է անասնագոմի տանիք. անհրաժեշտ է փրկարարների օգնությունը:

Դեպքի վայր են մեկնել մեկ մարտական հաշվարկ և մարզային փրկարարական վարչության օպերատիվ խումբը:

Պարզվել է, որ փլուզվել է Ս. Մ.-ի անասնագոմի (78 մ X 11 մ, կառուցված 1953 թ․) մի հատվածի տանիքը և պատերը՝ (35 մ X 11 մ):

Ըստ սեփականատեր Ս. Մ.-ի՝ փլատակներում են մնացել մոտ 110 մանր եղջերավոր անասուն:

Փրկարարները փլատակներից դուրս են բերել 4 գառ, որից հետո քաղաքացի Մ.-ը հրաժարվել է հետագա օգնությունից:

Թե ինչու է 110-ից դուրս բերվել ընդամենը չորս գառ եւ ուր մնաց մնացած 106 ոչխարը, մնում է հարցական:

Հարցական է մնում նաեւ այն, թե110 ոչխար պահող մարդն ինչու է այնքան ժլատ, որ զլանում է անգամ վերանորոգել վթարային գոմը:

Ահա այսպիսի տարօրինակ մարդիկ են ապրում Հայաստանում: Բողոքում են, բողոքում, բայց անգամ իրենց եկամտի աղբյուր գոմը չեն ցանկանում նորոգել: Հետաքրքիր է, ո՞վ պետք է իր փոխարեն վերանորոգեր գոմը, որտեղ իր իսկ՝ Ս.Մ.-ի վկայությամբ գտնվել է մոտ 11 հազար դոլարի ապրանք:

Top-News.am