Գեղարքունիքի մարզպետը սկսել է հետընտրական «վրեժ» լուծել
Ապրիլի 2-ի ընտրությունները առաջին հայացքից անցան առանց ավելորդ լարվածության և նախորդ տարիներ համեմատ շատ ավելի հանգիստ: Նույնիսկ ռուս քաղաքագետներից մեկը պնդեց,որ հայաստանյան ընտրությունները իրենց կազմակերպվածության և ազնիվ անցկացման տեսանկյունից կարող են օրինակ ծառայել շատ զարգացած երկրների համար: Բայց արի ու տես,որ առաջին հայացքից գառան դիմակի տակ անցկացված ընտրություններին փոխարինելու էին գալու հետընտրական սրացումներն ու թեժ մարտերը: Այդ առումով հատկապես աչքի է ընկնում Գեղարքունիքի մարզը,որտեղ ՀՀ կուսակցության ձայների մեծամասնությունը հավաքեց Կարեն Բոթոյանը: Այս փաստը ոչ միայն մարզպետ Ռաֆիկ Գրիգորյանի դժգոհությանն հանդիպեց,այլև Հանրապետական կուսակցության մի շարք այլ թեկնածուների: Ռաֆիկ Գրիգորյանն, առաջատարի իր դիրքը Կարեն Բոթոյանին զիջելու մտքի հետ չհաշտվելով, սկսեց «վրեժ» լուծել իր ենթակայության տակ գտնվող մի քանի պաշտոնյաներից: Սևան քաղաքում գործից ազատեց Սոցիալական աջակցությունների գծով ծառայության պետին միայն նրա համար ,որ նա ընտրություններում պաշտպանում էր հանրապետական մեկ այլ թեկնածուի՝ Աշոտ Ավետիսյանին: Բայց նույն Սևան քաղաքում պակաս թշնամական չէ նաև ներքաղաքական դրությունը. քաղաքապետ Սարգիս Մուրադյանը,որը մարզպետ Ռաֆիկ Գրիգորյանի հովանու տակ է, հանգիստ առանց պատճառաբանությունների ազատում է Բողբոջ մանկապարտեզի հաշվապահին,ստիպելով,որ վերջինս ազատվի իր դիմումին համաձայն,թե չէ վատ կլինի: Եթե միայն այսքանը լիներ, գուցե նաև չանդրադառնայինք, բայց պարզվում է,որ հետընտրական լարվածությունից տուժվել են նաև շատ այլ մարդիկ,այդ թվում նախկին քաղաքապետ Աշոտ Ալեքսանյանի եղբայր Ժիրայր Ալեքսանյանը. միայն նրա համար,որ նախկին քաղաքապետը ընտրություններին բռնել է Բոթոյան Կարենի կողմը: Այս մարդկանցից ում հետ փորձեցինք կապ հաստատել,բոլորն էլ լռեցին: Լռեցին որովհետև նրանք վստահ են,որ մեր երկրում,ոչ մի խոսող մարդ դեռ արդյունքի չի հասել:
Հեղինակ՝
Ա.Գրիգորյան
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են