Սահմանադրության եւս մեկ ինքնակոչ եւ ցինիկ մեկնաբան

Սահմանադրական դատարանի որոշումը՝ քննության ընդունել ընդհանուր իրավասության դատարանի դատավոր Դ.Գրիգորյանի դիմումը որոշելու ՀՀ քրեական օրենսգրքի 300.1-րդ հոդվածի 1-ին մասի համապատասխանությունը ՀՀ Սահմանադրությանն առաջացել է որոշ շրջանակների անհանգստությունը:

Հիմա, երբ ակնհայտ է, որ ՍԴ նորընտիր դատավոր, հայտնի շրջանակների սպասարկու Վահե Գրիգորյանի ավանտյուրան չի անցնում, այս գործի դրոշակակիրը դարձել է նրա ընկերը՝ «Իրավունքի Եվրոպա միավորում» կազմակերպության անդամ Տիգրան Եգորյանը:

Վահե Գրիգորյանի ընկերը դարձել է նրա գործի շարունակողը՝ Սահմանադրության հերթական ինքնակոչ մեկնաբանը եւ հայտարարում է, թե ինչ է թե ՀՀ վերաքննիչ քրեական դատարանը գործի վարույթը կասեցնելու եւ Սահմանադրական դատարան դիմելու որոշումը բեկանվել, ապա Սահմանադրական դատարանի կողմից այդ դիմումը չէր կարող վարույթ ընդունվել:

Այս ամենից հետո նա անում է վերջին շրջանում սովորական դարձած հերթական արկածախնդիր քայլը եւ Օրենսդիր ու Գործադիր իշխանություններից, ինչպես նաեւ Հանրապետության Նախագահից ակնկալում է որոշոակի գործողություններ ՍԴ անդամների նկատմամբ: 

Մենք այստեղ գործ ունենք ոչ միայն սովորական արկածախնդրության, այլ անբարոյականության հետ համեմված արկածախնդրության հետ, քանի որ կրկին անգամ իրենց նենգ նպատակներին հասնելու համար շահարկվում է մարտի մեկը, օգտագործվում մարտի մեկի զոհերի հարազատների եւ ընտանիքի անդամների վիշտը:

Եգորյանը հայտարարում է, թե դիմումը ներկայացնում է մարտի մեկի զոհերի իրավահաջորդների անունից: Համաձայնեք, սա արդեն անբարոյականության գագաթնակետն է: 

Սա արդեն իրավական բանդիտիզմ է, որը պետք է շատ արագ համարժեք արձագանքի արժանանա: Մենք փորձադաշտի վերածելու եւ արկածախնդիրների անձնական նկրտումների համար օգտագործման հայրենիք չունենք: 

Եթե Վահե Գրիգորյանի արկածախնդրությունը տապալվեց, ապա դրանից պետք է որոշ ուժեր մհետեւություններ անեին եւ ոչ թե այս արկածախնդիր գործի դրոշակակիր, առաջամարտիկ դարձնեին նրա ընկերոջը: 

Վարդան Մխիթարյան

Top-News.am